tag:blogger.com,1999:blog-79446982011-04-21T19:19:40.485-04:00דבר אחרווער האט באשאפען די גאט?אחרhttp://www.blogger.com/profile/03769250495445625443noreply@blogger.comBlogger411100tag:blogger.com,1999:blog-7944698.post-1103533208750023492005-02-04T10:59:00.000-05:002005-02-03T23:57:07.693-05:00מיין רעזיגנאציע<div dir="rtl" style="TEXT-ALIGN: justify">אזוי ווי יעצט איז אין סטייעל צו פארמאכן בלאגס - קיין געלט פארדין איך נישט דערפון, און די אינטערעסאנטקייט האט שוין אויסגעוועפט, זעה איך נישט מער קיין סיבה אנצוהאלטן ווייטער. נאכדערצו לעצטנס אז די מנהל קוקט אויף מיר מיט זיינע שטרענגע בליקן, האב איך מורא אז ער איז עפעס חושד. איך וויל נאך טוהן א גוטע שידוך, פאר'סמ'ען א שיינע משפחה מיט צוועלעף אפיקורסישע אייניקלעך, ס'פעלט מיר נישט אויס מ'זאל מיך ארויסווארפן פון ישיבה. זייטס מיר אלע געזונט און שטארק, און האטס א גוטן לעבן. </div><div class="blogger-post-footer"><img width='1' height='1' src='https://blogger.googleusercontent.com/tracker/7944698-110353320875002349?l=apikoros.blogspot.com' alt='' /></div>אחרhttp://www.blogger.com/profile/03769250495445625443noreply@blogger.com8tag:blogger.com,1999:blog-7944698.post-1105700130898506582005-01-14T08:43:00.000-05:002005-01-14T05:55:30.896-05:00למען יאמינו<div style="text-align: justify;" dir="rtl">ווער האט געזאגט אז היינטיגע צייטן געשענט נישט קיין ניסים? זיכער געשענט, ס'ווענדט זיך נאר צו וועלעכע רבי מ'גייט. די רבי'ס וואס טויגן נישט זאגן פאר זייערע חסידים אז היינט איז א הסתר פנים, זה לעומת זה וכו', און פראווען עניוות. אבער די רבי'ס וואס האבן באמת א כח, זיי האבן די בטחון זיך ארויסצושטעלן פאר מיליאנע מענטשן און אויסהיילן קראנקע אויפן פלאץ, צו די אויגן פון גאנצן פאלק.
<br />
<br />דורך השגחה פרטית בין איך פונקט געווען אין א האטעל דעם וואך. מאנטאג בין איך אויפגעשטאנען פרי צו קענען דאווענען געהעריג שחרית. קיין מנין אידן איז דארט נישט געווען, אבער איך האב געהאט געהערט אז מ'קען טרעפן מנינים אויפן קעיבל. האב איך גע'עפנ'ט דעם ארון קודש און אנגעצונדען די טעלעוויזיע. איך האב אנגעהויבן גיין פון איין שטיבל צום אנדערען, זוכן א מנין. איך בין פארביי אידן וואס האבן געטרינקען קאווע אין געשמועסט נייעס און פאליטיק. און געוויסע שטיבלעך האט מען געמאכט ריקודים, אין אנדערע האט מען אנגעגרייט תיקון, ס'געווען אפילו עטליכע ספרדי'שע חדרים.
<br />
<br />שנארערס זענען געווען שרעקליך אסאך. זיי האבן געהאלטן אין איין אריינהאקן אינמיטן אנדערע זאכן, און מיר געוואלט פארקויפן פיתום און רעמסס פאר בלוי אכצן פעימענטס פון $12.99 און טאמער קאל איך יעצט וועלן זיי מיר אויך געבן דריי שיינע ראבער בענדס גענצליך אומזינסט. נישט נאר דאס, זיי וועלן אויך אריינווארפן פיר פעיפר-קליפס פריי פון אפצאל, א גאלדענע מציאה וואס איך וועל נישט טרעפן אינערגעץ, סאו קאל יעצט דעם נאמבער וואס איך האב געזאגט דריי מאל און וואס ס'שטייט אויך אויפן סקרין. און די וועסט באקומען פיתום וואס איז געווענטליך ווערט פיר הונדערט דאלער, פלאס רעמסס וואס קאסט ערגעץ אנדערש צוויי הונדער און פיפציג, פלאס... און איך האב געמישט ווייטער.
<br />
<br />ביז איך בין אנגעקומען צום BET קאנאל. דארט האט מען געהאלטן אינמיטן דעם 6:30 מנין פון הרב פיטער פאפאף שליט"א. און וואס איך האב דארט געזעהן האט אויפגעלאכטען מיינע אויגן. דער רבי האט געהאלטן אינמיטן זיין עבודה, און געלעמטע מענטשן זענען אויפגעשטאנען און זיך גענומען וואקן. טויבע האבן ארויסגענומען די הערן-העלפערס און הינקעדיגע האבן אוועקגעווארפען די קראטשעס. איך בין געווארען אזוי באגייסטערט אז איך האב אויסגעשריגן א ברכה שכוחו וגבורתו מלא עולם!
<br />
<br />אין <a href="http://www.peterpopoff.org/shows/4186.php">דעם ווידיא</a> קען מען זעהן, ציווישן נאך, איינער וואס האט נעבעך געהאט א טומאר אינעם רעכטן ברוסט, און בלויז דורך ארויפלייגן זיין הענט אויף איר שטערן, איז די טומאר גענצליך פארשווינדען.
<br />
<br />ווער עס זאגט אז היינטיגע צייטן געשענט נישט קיין ניסים, איז דאס נאר ווייל ער גייט נישט צו די ריכטיגע רבי.
<br /></div>
<br /><div class="blogger-post-footer"><img width='1' height='1' src='https://blogger.googleusercontent.com/tracker/7944698-110570013089850658?l=apikoros.blogspot.com' alt='' /></div>אחרhttp://www.blogger.com/profile/03769250495445625443noreply@blogger.com2tag:blogger.com,1999:blog-7944698.post-1104920561389102002005-01-06T08:22:00.000-05:002005-01-06T00:54:24.803-05:00צונאמי<div style="text-align: justify;" dir="rtl">ווער ס'האלט מיט די נייעס האט מן הסתם שוין געהערט וועגן צונאמי, דאס איז אזא כוואליע וואס האט פארשוואנקען טויזענטע מענטשן אויף יענע עק וועלט. בשעת איך האב דא געהאט א גוטע געלעגענהייט זיך צוצוכאפן און צולייגען גאט'ס רשעות פון זיך באנוצן מיט מאסן פארניכטונגס וואפן און זיינע גלויבערס פאנאטישקייט פון דאס אוועקמאכן מיט אזוינע תירוצים וואס אפילו בין-לאדין וואלט געהאלטן פאר לעמעכדיג, איז מיר עפעס נישט געגאנגען דאס שרייבן. פשוט פארדעם ווייל איך האב נישט געקענט שעלטן און שימפן אויף די פארברעכן ווען ס'האט מיר אליין נישט געבאדערט.
<br />
<br />איך פארשטיי אז ס'איז פארגעקומען א שרעקליכע זאך, און איך פארשטיי אז ס'דארף וויי טוהן, אבער וואס זאל איך טוהן אז מיר איז עס בכלל נישט אנגעגאנגען. פאר מענטשן האב איך גע'ניין'ט מיט די קאפ, גע'טצ'קעט מיט די צונג, אנגעשטעלט א טרויעריגע מינע, און זיך אפגערעדט ווי שוידערליך אזא מעשה, אבער אין הארץ האב איך נישט געשפירט א פינטל צער. איך ווייס נישט פארוואס ס'איז אזוי און איך זוך נאך א סיבה דערפאר, אבער איך שטעל מיך פאר אז איך בין נישט די איינציגסטער, און דערפאר וויל איך נעמען אן אנקעטע ווי שטארק ס'האט וויי געטוהן פאר אנדערע מענטשן די צונאמי. און די שאלה איז:
<br /><!-- // Begin Pollhost.com Poll Code // --><form method=post action=http://poll.pollhost.com/vote.cgi>וואס איז געווען אייער געפיל נאך הערן פון דעם צונאמי?
<br />
<br /><input type=radio name=answer value=1> שטארק וויי געטוהן
<br /><input type=radio name=answer value=2> אביסל וויי געטוהן
<br /><input type=radio name=answer value=3> בכלל נישט אנגעגאנגען
<br /><input type=radio name=answer value=4> אביסל געפרייט
<br /><input type=radio name=answer value=5> שטארק געפרייט
<br /><input type=hidden name=config value="YXBpa29yb3MJMTEwNDk4NTcyMAlFRUVFRUUJMDAwMDAwCUFyaWFsCUFzc29ydGVk">
<br /><input type=submit value=באשליסט> <input type=submit name=view value=רעזולטס>
<br /></form><!-- // End Pollhost.com Poll Code // --></div>
<br /><div style="text-align: justify;" dir="rtl">נישט קיין חילוק ווי די מצב פון מענטשליכע רחמנות האלט, פארענטפערט עס נאך נישט גאט וואס דארף צו האבן ענדלאזע רחמנות אויף אלע זיינע באשעפענישן. און מיר וועלן אי"ה נאך צוריקקומען צו דעם. דערווייל הערטס א מופת:</div>
<br /><div style="text-align: justify;" dir="rtl"><h3 class="post-title" dir="rtl">נבואה פון מיין רבי </h3>יעדער איז פארנומען מיט זוכען אין פארגעלטע ספרים וואו אימער ס'שטייט עפעס וועגן א טייך פארפלייצונג אין די נעקסטע טויזענט יאר. איך האב א ווידיא פון מיין רבי וואו מ'זעהט אז ער האט געהאט א בפירוש'ע נביאה, דעם ראמאדאן, פון פונקטליך וואס ס'וועט געשען דאס יאר, אויף וועלעכע פלאץ, און אין וועלעכע טאג, און ער האט גע'עצה'ט זיינע חסידים וואס וואוינען דארט צו קויפן הייזער נאר אויף בערג. <a href="http://thedailyshow.com/mp/play.jhtml?reposid=/multimedia/tds/colb/colbert_9066.html">זעהט דא</a> (מ'דארף ווארטן ביז נאך די שובבי"ם תורה).
<br /></div>
<br /><div class="blogger-post-footer"><img width='1' height='1' src='https://blogger.googleusercontent.com/tracker/7944698-110492056138910200?l=apikoros.blogspot.com' alt='' /></div>אחרhttp://www.blogger.com/profile/03769250495445625443noreply@blogger.com1tag:blogger.com,1999:blog-7944698.post-1104124047592272372004-12-27T08:56:00.000-05:002004-12-27T00:07:27.593-05:00וואס איז גאט'ס ציל אין לעבן?<div style="text-align: justify;" dir="rtl">ווי מ'זעהט אין אידישע ספרים, איז גאט נישט באשאפען געווארען פאר קיין שום צוועק, ער עקזיסטירט בלויז ווייל אזוי האט זיך אויסגעשטעלט די וועלט, אז ער איז אייביג געווען, אן א שום סיבה. איז ווען גאט קוקט זיך אום און דערזעהט זיך אז ער עקזיסטירט און אז ער האט פארשטאנד און וויסן, קומט עס אים אויס ווינדערליך פארוואס עקזיסטירט ער? צו וועלעכע צוועק געפינט ער זיך דא? און וואס דארף ער טון מיט זיין לעבן?
<br />
<br />מיט זיין אין-סוף שכל פארשטייט ער אז קיינער האט אים נישט באשאפען, אז ער האט קיינעם נישט העכער זיך וועמען ער דארף אויספאלגען, און אז ער איז נישט דא פאר קיין שום ציל. ס'בלייבט אים איבער נאר צו האקן א לעבן און טוהן ווי זיין הארץ גלוסט. ער דערזעהט זיך מיט פארשידענע מידות, געוויסע זאכן רעגן אים אויף און ברענגן אים צער, אין אנדערע זאכן מאכן אים פילן גוט און ברענגן אים א נחת רוח. ער נעמט פאר זיך א ציל אין לעבן צו באקומען וואס מער פון די נחת רוח.
<br />
<br />פאר טריליאנע יארען פרובירט ער אויס אלע מינע זאכן וואס קענען אים ברענגען הנאה, און לאזט זיך וואוילגיין. ער דערוויסט אז א געוויסע קונץ וועט אים ברענגען פרייליכקייט דורך מאכן אזעלעכע מינוטשור מענטשעלעך וואס זאלן אויסקוקען ווי אים און זיך אויפפירן ווי אים, און עס וועט זיין זיס צו אנקוקען. אומר ועושה, האט ער זיך גענומען צו די ארבעט. ער האט געפריווט עטליכע מאל און דורכגעפאלען, ביז ס'איז אים געלונגען צו טרעפן א פאסיגע וועלט, און ער האט באשאפען די מענטשן. און ער האט זיי באפוילען צו גיין אין זיינע וועגן, זיך צו באהעפטן אין זיינע מידות, און נאכטוהן ווי ער טוט.
<br />
<br />דערפאר דארפן מיר זעהן זיך צו שטעלן א ציל אין לעבן אריינצוכאפן וואס מער תענוגים מ'קען, און איינוועגס וועט דאס אויך ברענגען מער הנאה פאר גאט וועלעכע גלייכט צו זעהן קליינע מענטשעלעך זיך אויפפירן ווי אים, וועט אויסקומען אז יעדער וועט ארויסגיין מיט די מערסטע הנאה.
<br /></div>
<br /><div class="blogger-post-footer"><img width='1' height='1' src='https://blogger.googleusercontent.com/tracker/7944698-110412404759227237?l=apikoros.blogspot.com' alt='' /></div>אחרhttp://www.blogger.com/profile/03769250495445625443noreply@blogger.com7tag:blogger.com,1999:blog-7944698.post-1103625214913072712004-12-21T08:15:00.000-05:002004-12-21T05:38:56.506-05:00חברה מושכי ערלים<div style="text-align: justify;" dir="rtl">אין דיזען סעזאן טוה איך פייערן אן אנדענק צו די נס וואס איז געשען צו כלל ישראל ווען די יוונים האבן געמאכט ארדענונג אין לאנד און פארבאטען די פאנאטיקער צו צווינגען דאס פאלק אויף מאדנע און געמיינע ריטואלען. ליידער זענען מיר נישט זוכה בזמן הזה צו אזעלעכע נסים, און מיר זענען געצווינגען זיך צו שעדיגען און צו שניידען אונזער קינדער. אבער עפעס האפענונג איז נאך געבליבן דורך זיך <a href="http://en.wikipedia.org/wiki/Uncircumcision" target="_blank">אויס'מל'ען</a> - א פאטענט פון די אידישע מתיוונים וועלעכע ווערט נאך היינטיגע צייטן באניצט דורך די גרעסטע דאקטוירים.
<br />
<br />שטודיעס ווייזן אז ס'נישט דא <a href="http://www.mothersagainstcirc.org/med-argu.htm" target="_blank">קיין שום פארדינסט</a> פון אראפשניידען די ערלה. ס'טוט <u>נישט</u> פארמיידען עידס, ס'קען נאך זיין גאר <a href="http://www.mothersagainstcirc.org/HIV.htm" target="_blank">פארקערט</a>. אין אמעריקע וואו רוב גוים זענען גע'מל'עט, איז דא פון די מערסטע סעקסואל אנשטעקיגע מחלות.
<br />
<br />און לויט ווי ערלים <a href="http://nocirc.mike-tech.com/testemonies.html" target="_blank">געבן איבער</a>, איז די הנאה פון אן ערל זיבן מאל שטערקער ווי א געשניטענעם. ווי אויך דורך דעם וואס די עטרה רייבט זיך אין די אונטערהויזן א גאנצע טאג, ווערט עס צוגעוואוינט און ס'פארלירט סענסיטיווקייט. אבער ביי ערלים טוט דער ערלה באדעקן און באשיצן די עטרה ווען די אבר איז צאמגעלייגט. דער הנאה קען זיך אומקערן ווען מ'פאררעכט צוריק די ערלה און די עטרה איז פון ס'ניי באשיצט.
<br />
<br />צוריקצוציען די מילה (נאטורליך, אנע אפעראציע), קען דאערן אפאר יאר, ס'פארלאנגט זיך אסאך געדולט און חיזוק עס אויסצופיהרן. זיי זאגן אז דאס בעסטע איז אז מ'טוט דאס מיט א חבורה. דערפאר וויל איך זיך דא צאמנעמען מיט נאך מינים, אפיקורסים, און סתם בעלי תאווה, און מיר וועלן אינאיינעם זיך מערל זיין און אראפקוילערען די אידישע חרפה פון אונזער קערפער. יעדער קען בלייבן גענצליך אנאנים און מ'וועט זיך אדורך שמועסן אין די קאמענטארען, רעדן עצות, געלונגענע מיטלן, וכדו', איש את רעהו יעזורו ולאחיו יאמר חזק. און לאמיר האפן אז ביז דריי יאר וועלן מיר אלע זיין ערלים.
<br /></div>
<br /><div class="blogger-post-footer"><img width='1' height='1' src='https://blogger.googleusercontent.com/tracker/7944698-110362521491307271?l=apikoros.blogspot.com' alt='' /></div>אחרhttp://www.blogger.com/profile/03769250495445625443noreply@blogger.com12tag:blogger.com,1999:blog-7944698.post-1102077228450253152004-12-03T07:33:00.000-05:002004-12-03T07:34:40.183-05:00די קערעלעך פון אינקיוויזיציע<div style="text-align: justify;" dir="rtl">אויפן וועג אראפ פון דעמאקראטיע האט פרעזידענט בוש איינגעפירט דאס <a href="http://story.news.yahoo.com/news?tmpl=story2&u=/ap/20041203/ap_on_go_ca_st_pe/guantanamo_detainees">פיינוגען פון מענטשן ביז זיי זענען זיך "מודה" אינעם זינד</a>. ווייזט אויס אז די זעלבע דזשיזוס וועלעכע האט געוויזן די וועג פאר פערדינאנד האט ליכטיג געמאכט די אויגן פון בוש.
<br /></div>
<br /><div class="blogger-post-footer"><img width='1' height='1' src='https://blogger.googleusercontent.com/tracker/7944698-110207722845025315?l=apikoros.blogspot.com' alt='' /></div>אחרhttp://www.blogger.com/profile/03769250495445625443noreply@blogger.com0tag:blogger.com,1999:blog-7944698.post-1101536696112845682004-11-29T08:20:00.000-05:002004-11-29T00:25:28.653-05:00פארוואס איך גלייב אין סענטע<div style="text-align: justify;" dir="rtl">אלס קינד בין איך געווען זייער סקעפטיש צו סאנטע קומט עכט, ווייל מיינע חברים האבן אים גערופען סענטער-קלאץ. אבער ווען איך בין עלטער געווארען אין אריינגעקלערט דערין לאגיש, בין איך איבערצייגט געווארען אז ער קומט יא און ער ברענגט מתנות פאר ווער ס'איז וואויל.
<br />
<br />אמת, די עלטערען לייגן אליין אונטער די מתנות, אבער דאס איז נאר וועגן אין סומכין על הנס, און מ'דארף טון א השתדלות, מ'לערנט עס ארויס פון א פסוק, נתן תתן - מכאן שניתנה רשות לנותן לתת, אז מ'מעג אונטערלייגען מתנות. אבער די מתנות קומען באמת פון סאנטא. די עלטערן זענען נאר די ריכטיגע שליח.
<br />
<br />און דאס וואס מ'זעהט אז די גלעזל משקה וואס מ'גרייט אן פאר סענטע באנאכט איז אינגאנצען פול אינדערפרי, דאס איז ווייל ס'בלייבט איבער אין גלאז א טראפ מיט כביכול זיין הייליגע שפייעכץ און דאס ברענגט אריין די ברכה אז ס'זאל זיך צוריק אנפולן.
<br />
<br />איז וויבאלד די אויפגעקלערטסטע מענטשען האבן נישט קיין איין ראי' אז ער קומט נישט, און מיליאנע מענטשען האבן אים געזעהן מיט די אייגענע אויגן ווען ער פלעגט קומען אפן, דערפאר גלייב איך אז ער קומט יא.
<br /></div>
<br /><div class="blogger-post-footer"><img width='1' height='1' src='https://blogger.googleusercontent.com/tracker/7944698-110153669611284568?l=apikoros.blogspot.com' alt='' /></div>אחרhttp://www.blogger.com/profile/03769250495445625443noreply@blogger.com9tag:blogger.com,1999:blog-7944698.post-1101288965354112382004-11-26T08:34:00.000-05:002004-11-29T00:18:02.770-05:00חסדי השם<div style="text-align: justify;" dir="rtl">נחום איש גם-זו, האט פארלוירען ביידע הענט, ביידע פיס, ביידע אויגן, און די רעשט איז געווארען קרעציג, אבער ער האט נישט אויפגעהערט צו דאנקען דעם אייבערשטען. און דער זעלבער פינאמינאן קען געזען ווערן אפילו היינטיגע צייטן טעגליך. א איד ליגט אין שפיטאל, אנגעבונדען צו מאשינען וואס דערהאלטען אים ביים לעבן מיט יסורי איוב, אבער ער קוקט אויפן צענטל גלעזל וואס איז נאך פול, און דאנקט דעם אייבערשטען אז די לעבער ארבעט אים נאך.
<br />
<br />שטעלט זיך ארויס אז דאס קומט פון <b>שטאקהאלם סינדראם</b>, וועלעכע איז גורם געפאנגענע משכונות זאלן אנקניפן א ליבשאפט מיט די טעראריסטן אויף אזוי ווייט אז זיי שטעלן זיך קעגן די פאליציי ווען מ'קומט זיי ראטעווען, זיי נעמן זיך אן פאר די טעראריסטן אין געריכט, העלפן צאלן די אדוואקאטן, און אין עטליכע פעלער האבן זיי אפילו חתונה!
<br />
<br /><a href="http://www.agr-s.com/html_reports/fieldreport0015a.htm">שטאקהאלם סינדראם</a> געשענט ווען מ'איז געפאנגען פאר עטליכע טעג און מ'איז אונטערען איינדרוק אז מ'איז גענצליך אונטער די טעראריסט'ס רשות, און דאס לעבן אדער טויט ווענדט זיך אויף זיין באשליס, און דער טעראריסט טוט אפאר קליינע טובות.
<br />
<br />מיט די ווערטער פון א פלייט 847 משכון: "זיי זענען נישט קיין שלעכטע מענטשען, זיי האבן מיך געלאזט עסן, זיי האבן מיך געלאזט שלאפן, זיי האבן מיך געגעבן מיין לעבן". ס'ליגט מיר אין קאפ עפעס ענדליכע רייד פון ווען איך פלעג זאגן וואס ס'שטייט אין סידור.
<br /></div>
<br /><div class="blogger-post-footer"><img width='1' height='1' src='https://blogger.googleusercontent.com/tracker/7944698-110128896535411238?l=apikoros.blogspot.com' alt='' /></div>אחרhttp://www.blogger.com/profile/03769250495445625443noreply@blogger.com0tag:blogger.com,1999:blog-7944698.post-1101293936141717422004-11-25T08:32:00.000-05:002004-11-25T02:24:32.400-05:00שערי דמעות<div style="text-align: justify;" dir="rtl">מיט עטליכע יאר צוריק, איז מיינער א שכן אין בית-מדרש דיאגנאזירט געווארען מיט קענסער, און ער האט אנגעהויבן אסאך צו פעלן. יום כיפור איז ער געקומען אין שול. ער איז געזעצן א גאנצע טאג מיט זיין ליידיגע בארד און זיך געבעטען פאר זיין לעבן. צו נעילה, ביי די פיוט פון י"ג מדות, האט ער מיטן ניגון געזונגען די ווערטער "תמכתי יתדותי בשלש עשרה תבות, ובשערי דמעות כי לא נשלבות..." און טרערן זענען גערונען פון זיינע אויגן. ער איז יענעם יאר געשטארבן.
<br />
<br />יעדעס יאר ביי נעילה ווען איך הער יענעם ניגון דערמאן איך זיך דעם איד און ווי אזוי ער האט געזינגען. און איך טראכט פון אזעלעכע מימרא'ס ווי "שערי דמעות לא ננעלו" און איך קלער, אז דער באשעפער בארעכנט זיך אז ער וויל צוריק א נשמה, האט ער אסאך שנעלע וועגן דאס אויסצופירן. פארוואס דארף ער אפט אזוי לאנגזאם אויסצאפן די נשמה איין האר אויף אמאל?
<br />
<br />דאן גייט מען צום נעקסטען פסוק און מ'זינגט וועגן א לעדערנע בעכער וואס ס'דא אין הימל און גאט לייגט אהין אריין אלע טרערן, און אלעס ווערט מיר שוין פארענטפערט. די וועגן פון אייבערשטען זענען העכער אונזער פארשטאנד, אבער קאלעקשינס איז א זאך וואס אפילו ביי מענטשן קען מען דאס נישט פארשטיין. איך האב אמאל געקענט איינער וואס האט קאלעקטעד דעקליך פון ביר באטלעך. ער האט געהאט א ספעציעלע שטוב ביי זיך אונדערהיים, די "קעפ-רום". דארטן איז געווען אויסגע'שורה'עט באקסעס אנגעפולט מיט קעפלעך, סארטירט לויט די פירמעס. איז פאר א געוויסע סיבה האט גאט ליב אידישע טרערן און ער האט אזא האבי זיי צו קאלעקטען און אריינלייגען אין א גרויסע בעכער.
<br />
<br />אז מ'באטראכט די בעכערס פון קינדער און טאטעס, זעהט מען אז בעכערס קומען לויט די גרויס פונעם טרינקער. קומט אויס אויב גאט איז אין-סוף, דארף זיין בעכער אויך זיין אין-סוף, איז פארשטענדליך אז אלע חלומות וועגן איבערגעפולטע בעכערס וועלן קיינמאל נישט פארווירקליכט ווערן.
<br />
<br />יעצט פארשטייט מען שוין פארוואס ער האט נישט פארשפארט די טויערען פון טרערן. ווייל ער האלט אידישע טרערן פאר זייער טייער און ער וויל זיי אלע האבן. און מיט דעם שטימט אויך זייער גוט פארוואס ער האט באשאפען קענסער, ווייל דאס וועט איהם ברענגען אסאך טרערן פאר זיין בעכער וואס איז נאך כמעט ליידיג.
<br /></div>
<br /><div class="blogger-post-footer"><img width='1' height='1' src='https://blogger.googleusercontent.com/tracker/7944698-110129393614171742?l=apikoros.blogspot.com' alt='' /></div>אחרhttp://www.blogger.com/profile/03769250495445625443noreply@blogger.com2tag:blogger.com,1999:blog-7944698.post-1100984315792111322004-11-20T20:44:00.000-05:002004-11-20T19:44:29.730-05:00מגדל הפורח באוויר<div style="text-align: center;"><img src="http://photos1.blogger.com/img/10/2413/640/MigdalHaporach.1.jpg"></div>
<br /><div style="text-align: justify;" dir="rtl">ס'נישט מעגליך די דאך זאל פאלן ווייל עס האלט זיך אויף די זיילען. ס'נישט מעגליך די יסוד זאל פאלן ווייל עס הענגט אויף די קייטן. נמצא אז דער בנין שוועבט אין די לופטען.</div><div class="blogger-post-footer"><img width='1' height='1' src='https://blogger.googleusercontent.com/tracker/7944698-110098431579211132?l=apikoros.blogspot.com' alt='' /></div>אחרhttp://www.blogger.com/profile/03769250495445625443noreply@blogger.com2tag:blogger.com,1999:blog-7944698.post-1100459753043839852004-11-14T14:12:00.000-05:002004-11-14T14:15:53.043-05:00אל רחום וחנון<div style="text-align: justify;" dir="rtl">ביי ר' שטריימעל אין בלאג האט מען ארומגערעדט וועגן די מצב אין סודאן. האב איך מיר דערמאנט וואס איך האב אמאל געהערט אז ווען ראזוועלט איז ארויפגעקומען אין הימל האט איהם די בי"ד של מעלה געפרעגט פארוואס ער האט נישט פריער עפעס געטוהן וועגן די מצב אין אייראפע האט ער גע'ענטפערט אז ער האט נישט געוואלט אוועקנעמן היטלער'ס בחירה.
<br />
<br />מענטשן רעדן זיך <a href="http://hassid.blogspot.com/2004/11/sudan.html#comments" target="_blank">דארט</a> אפ אז זיי וואלטן זייער געוואלט העלפן נאר זיי שפירן אז זיי קענען גארנישט טוהן. גערעכט, זיי זענען דאך נאר מענטשען. ס'אבער מערקווירדיג צו קלערן וואס איינער מיט מער געוועלטיגקייט וואלט געקענט טוהן.
<br />
<br />למשל טאמער וואלט געלעבט אין די ווינטער פון שנת תרמ"ט איינער מיט די אינטעליגענץ צו וויסן אלעס וואס גייט געשען, מיט די שטארקייט צו בא'איינפליסן די קלענסטע מיקראבען, און מיט די גוטסקייט וואס האט נישט קיין גרעניץ, וואלט יענער אומגעברענגט היטלער אין זיין מאמע'ס געדערים, און קיינעם'ס בחירה וואלט נישט געטשעפעט געווארן.
<br />
<br />ארויסגעשטעלט האט זיך אז ס'פארגעקומען א שואה און מיליאנע אידן האבן פארלוירען די בחירה, פון די וואס זענען פארגאזט געווארען און פון די וואס זענען לעבן געבליבן, וועלעכע קענען מער נישט גלייבן אין גאט.
<br />
<br />טאמער גאט ליינט מיין בלאג, וויל איך איהם לאזן וויסן אז דאס נעקסטע מאל ער ווייסט נישט ווי צו לעזן א פראבלעם אן אוועקנעמען בחירה, בין איך איהם גרייט ארויסצוהעלפן.</div><div class="blogger-post-footer"><img width='1' height='1' src='https://blogger.googleusercontent.com/tracker/7944698-110045975304383985?l=apikoros.blogspot.com' alt='' /></div>אחרhttp://www.blogger.com/profile/03769250495445625443noreply@blogger.com4tag:blogger.com,1999:blog-7944698.post-1093729431006849842004-11-09T08:38:00.000-05:002004-11-09T01:45:56.090-05:00דיינאסאורס<div style="text-align: justify;" dir="rtl">א חסיד וועט נישט קוקען א פארן מאווי אויב מ'קען דארט זעהן א <a href="http://www.bbc.co.uk/dinosaurs/" target="_blank">דינאסאור</a>. ער וועט זאגן "איך בין נישט משוגע צו קוקען אזעלעכע גוי'אישע פאנטאזיעס".<div style="text-align: center;">
<br /><img src="http://www.geocities.com/yiddishapikoros/DinHind.jpg"></div>
<br />
<br />באמת זענען דא עטליכע וועגן ווי אזוי זיי וואלטן געקענט באהאנדלען די פראבלעם פון דיינאסאורס.
<br />
<br />זיי וואלטן געקענט זאגן, נישט קיין שטיינער און נישט קיין ביינער, ס'קיינמאל נישט געווען אזא זאך. די ביינער וואס מ'זעהט אין <a href="http://www.amnh.org/exhibitions/dinosalive/?src=e_h" target="_blank">מוזיום</a> זענען געפעלשט, און די ביינער וואס יעדער קען <a href="http://www.cincymuseum.org/cmc/attractions/dig_for_dinosaurs.html" target="_blank">אליין גיין</a> <a href="http://geology.utah.gov/utahgeo/dinofossil/index.htm#collect" target="_blank">גראבען</a> איז אונטערגעלייגט געווארן דורך אפאר שפיצלער וואס זוכן אויסצופאפן די וועלט. אבער זיי זאגן דאס נישט.<div style="text-align: center;">
<br /><img src="http://www.geocities.com/yiddishapikoros/DustDig.jpg"></div>
<br />
<br />זיי וואלטן געקענט זאגן, לעולם איז יא געווען דיינאסאורס, נאר נישט פאר מיליאנע יארן צוריק. וואס דאן וואלטן די רבנים זיך אוועקגעזעצט מיט די פראפעסארן און זיי אויפגעוויזן די טעות אין חשבון. אבער זיי האבן דאס אויך נישט געטוהן.<div style="text-align: center;">
<br /><img src="http://www.geocities.com/yiddishapikoros/RabiProf.jpg"></div>
<br />
<br />אנשטאט האבן זיי געקליבן צו מאכן א שווייג און פארוואסערען די גאנצע מעשה. מ'האט אין די טעקסט ביכער אויסגעשטריכען מיט א שווארצען מארקער וואו אימער ס'שטייט די ווארט דיינאסאור, און אזוי עקזיסטירט עס מער נישט.
<br />
<br />די אמת איז אז זיי האבן שטארק מורא פון דיינאסאורס, און דערפאר ווילן זיי שטיין וואס ווייטער אוועק דערפון.<div style="text-align: center;">
<br /><img src="http://www.geocities.com/yiddishapikoros/HasidDino.jpg"></div>
<br />
<br />איך קוק מיך אום ווי איין פאלק לייקענט אין פנים עפעס וואס די גאנצע וועלט ווייסט פאר א פאקט, און דעם שקר איז מען מוריש פאר די קינדער, און איך וואונדער מיך וואס נאך די גאנצע וועלט האט געוואוסט פאר א פאקט מיט עטליכע טויזענט יאר צוריק, און דער זעלבער פאלק האט עס פארלייקענט.</div>
<br /><div class="blogger-post-footer"><img width='1' height='1' src='https://blogger.googleusercontent.com/tracker/7944698-109372943100684984?l=apikoros.blogspot.com' alt='' /></div>אחרhttp://www.blogger.com/profile/03769250495445625443noreply@blogger.com8tag:blogger.com,1999:blog-7944698.post-1099640569173442102004-11-06T22:30:00.000-05:002004-11-06T22:53:54.653-05:00אבל לשון<div style="text-align: justify;" dir="rtl">ס'דא אפאר נארישע גוים וואס זענען אויפגעקומען מיט אזא טיפשות'דיגען "טעאריע" ווי זיי רופן דאס (ס'איז א שיינע ווארט פאר ליגנט בלע"ז) אז אדם הראשון איז נישט באשאפען געווארען דורך די באשעפער אינעם זעקסטען טאג, נאר ער איז געבוירען געווארן פון א מאלפע! :-) ס'איז נישט קיין געלעכטער... ס'עכט דא גוי'אישע קעפ וואס גלייבן דערין!
<br />
<br />די פאלשקייט פון שמעוואלוציע איז זעלבסטפארשטענדליך, דאס דארף מען אפילו נישט דערמאנען. נאר עטליכע פונקטן איז אינטערעסאנט אויסצושמועסן צו זעהן ווי מטומטם די מאנקי-קעפ קענען זיין.
<br />
<br />יעדער וואס האט נאר אביסל שכל פארשטייט אז ס'איז נישט מעגליך די וועלט זאל זיין עלטער פון זעקס טויזענט יאר. אבער די שוטים כאפן נישט אז לויט זייער חשבון קומט גאר אויס אז די וועלט דארף זיין אלט ביליאנע יארן... :-) גיי ווייס...
<br />
<br />אן אינטערעסאנטע זאך איז, אז איך בין שוין עטליכע מאל געווען אין זא, און איך האב נאך קיינמאל נישט געזעהן א מענטש געבוירען ווערן פון א מאלפע. ס'איז אזוי ווי דער חזן וואס האט געזאגט אז ער קען שיין זינגען ווען קיינער הערט נישט וד"ל.
<br />
<br />דארווין, דער גלח וועלעכער האט פארבראצירט די טעאריע, האט אליין מודה געווען פארן שטארבן אז ער האט די גאנצע באבע מעשה אויסגעזויגט פון זיין אייגענעם פינגער. אבער דאס טוט נישט צוריקהאלטן בייזוויליגע פאפערס פון ממשיך זיין מיט זייער פאנטאזיעס און ווייטער פרעדיגען זיין גלויבן. און אין די גוי'אישע שולעס טוט מען איינקנעטען אין די קינדער פון קליינווייז אן אז עוואלוציע איז די אמת און מ'טאר נישט טראכטען אנדערש. אזוי אז זיי זאלן אויפוואקסען פאנאטישע גלויביגע אין עוואלושען.
<br />
<br />דאס איז זיכער אז די קליגסטע מענטשען האבן קיינמאל נישט געגלייבט און די אלע שקרים. ס'איז אפילו ארויסגעקומען א בוך פון איינער וואס איז אליין א גוי (פון די קליגערע גוים) וואו ער זאגט אויס פאר די וועלט איבער די בלאפערייען פון די עוועלוציע גלחים. ס'איז נאר עולם גולם אומגעלערענטע פויערען, וואס גלייבן דערין. וואס ווי ס'באקאנט האבן ערלים סאך שוואכערע קעפ ווי אידן. דאס קומט דערפין וואס זיי האבן נישט קיין נשמה וואס פון דעם באשטייט חכמה בינה דעת כידוע ליודעי ח"ן. נאר טאמער זיי זענען זיך מגייר און טובל'ן זיך אין א מקווה באקומען זיי א נשמה מיט שכל. ס'איז העכערע זאכן. אבער מיט דעם איז שוין זייער פארשטענדליך פארוואס גוים גלייבן אין עוואלושען און אידן נישט.
<br />
<br />ס'באקאנט די מעשה פון איינע פון די גדולים, אז איינער האט אמאל באגעגענט זיין חבר און געזעהן אז ס'איז איהם ארויסגעוואקסען א וויידל. האט ער איהם געפרעגט "וואס גייט פאר?" האט יענער איהם גע'ענטפערט "איך גלייב אין עוואלוציע". יא, יא, די מעשה איז א מורא'דיגע מוסר השכל ווי מ'זעהט ווי אזוי די אלע עוואלוציאניסטן קוקן אויס.
<br />
<br />ס'איז אפענע נפלאות הבורא אז די ווערטער "די אבעלאשען" במספר קטן מיט די כוללים איז גמטריא גענוי די זעלבע ווי "בבא מעשה" אן די כולל. הפלא ופלא! ווי הקב"ה אנטפלעקט זיך צו אונז אין באהאלטענע ערטער און ווער ס'זוכט דעם אייבערשטען קען איהם טרעפן אפילו היינטיגע צייטן. און דאס קען מען זייער שיין אריינטייטשען אין פסוק דרשו ה' - אויב זאלט עטץ נאר זוכען דעם אייבערשטען, והימצאו - דאן וועט איר איהם טרעפן. נאך א פשט: דרשו ה' - אויב זאלט עטץ זוכן דרשות פארן אייבערשטען, והימצאו - קען מען עס זייער גרינג טרעפן. מ'דארף נאר האבן א רצון. פתחו לי פתח כחודו של מחט, מ'זאל נאר עפענען די אויגן א האר און ארויסקוקען, און דאן וועט לעכטיג ווערן כפתחו של אולם און מ'וועט זעהן התגלות השם.
<br />
<br />אבער די שמייליגע עוואלוציאנערען האלטן די אויגן שטארק פארמאכט ווייל זיי ווילן דוקא נישט טרעפן דעם אויבערשטען. און טאמער זאל איינער רחמנות האבן אויף זיי און זיי וועלן מסביר זיין און אויפקלערן זייער טעות, וועלן זיי צודריקן די הענט צו די אויערען און ברימען מיט די מויל כדי נישט הערן די אמת. און אנשטאט זיך צו פארענטפערן מיט שכל, וועלן זיי זיך נעמען זידלען, רופן צונעמען, און אפ'חוזק'ען מיט לעכערליכע לצנות ווייל קיין זאכליכע ענטפער האבן זיי דאך נישט.
<br />
<br />לא כן אונז אידן וואס האבן א קבלה וואס איז אויסגעארבעט געווארען דורך די גרעסטע חכמים פון אלע דורות. און דאס איז באפעסטיגט געווארען דורך די קלוגסטע פיליזאפן פון אור אלטע צייטן, און איז אומאפרעגבאר. קומען היינט די יונגע שקצים און רעדן זיך איין אז זיי זענען קלוגער פון די זיידעס ווייל זיי האבן ערפונדען קאמפיוטערס מיט עראפלאנען. זיי ווייסן נישט אז אונזערע חכמים האבן געוואוסט פון די אלע פקחות פאר טויזענטע יארן צוריק און נאך אסאך מער וואס די היינטיגע סייענטיסטן ווייסן נאך נישט. נאר וואס דען, זיי האבן געהאלטן אז ס'איז בא'טעמ'טער צו פארן מיט א פערד און וואגן. ווי מ'זעהט אפילו היינט און מאנהעטען די בעסערע גוים דינגען א פערד און וואגן ווען זיי קענען זיך דאס ערלויבן. און די תנאים האבן געקענט אויסרעכענען אין זייער קאפ וואס די שנעלסטע קאמפיוטערס היינטיגע צייטן קענען נישט אויסרעכענען.
<br />
<br />ביי אונז אידן ווי עלטער מ'ווערט, אלס מער באזעסען ווערט די דעת. משא"כ ביי גוים ווי עלטער זיי ווערן, אלס מער מטורף ווערן זיי. דאס איז איבערצייגט געווארן ביי דער געוועזענע פרעזידענט רעיגן אז ביי די עלטער האט ער שוין נישט געוואוסט וואס טוט זיך מיט איהם. אזוי אויך אונז ווייסן אז די דורות ווערן שוואכער און שוואכער און א שפעטערער קען נישט אפרעגן א פריעדיגער ווייל אמאל האט מען געהאט אסאך מער פארשטאנד. אבער די פראסטע גוים וועלעכע שטרעבן ווידערצושפעניגען און די וואוילע דרכים וואס די עלטערען האבן געלערנט, זוכן זיי אויפצושטעלן אז זיי זענען קלוגער פון די פריעדיגע, דערפאר זאגן זיי אז די זיידעס זענען געווען מאנקיס.
<br />
<br />די אמת איז אז זיי אליין גלייבן אויך נישט אין די גאנצע זאך. די איינציגסטע סיבה פארוואס זיי פארציילען דאס איז נאר כדי צו קענען זיין הפקר און אויספיהרען זייער רשעות'דיגע אכזריות אן צו באדארפען אפגעבן א דין וחשבון פאר קיינעם. אבער אונז ווייסן וואס זייער סוף גייט זיין. דער אייבערשטער צאלט צוריק מדה כנגד מדה, קודם וועלן זיי מגולגל ווערן אין מאנקיס און דערנאך וועלן זיי פלאקערען און גיהנום פאר ביליאנען יארן. בשעת אונז אידן וועלעכע האבן זיך געהאלטן פעסט ביי די אמונה טראץ אלע נסיונות, וועלן שפראצן פליגלעך און נהנה זיין מזיו השכינה לעולם ועד במהרה בימינו אמן.
<br /></div>
<br /><div class="blogger-post-footer"><img width='1' height='1' src='https://blogger.googleusercontent.com/tracker/7944698-109964056917344210?l=apikoros.blogspot.com' alt='' /></div>אחרhttp://www.blogger.com/profile/03769250495445625443noreply@blogger.com1tag:blogger.com,1999:blog-7944698.post-1098733272206287562004-11-03T08:40:00.000-05:002004-11-03T04:32:12.890-05:00א טאג אין גן עדן<div style="text-align: justify;" dir="rtl">איך ליג אויפן ריקן אין א ווייעכע בעט, מיינע אויגן פארקלאצט ארויף צום גאלדענע חופה, און איך טראכט פון גיהנם.
<br />
<br />אין פרימיטיווע צייטן, ווען אין טורמעס פלעגט מען מענטשען צוברעכן אויף שטיקער און פארברענען לעבעדיגערהייט, האט אין הימל אויך אזוי אויסגעזעהן. נאכמער האט מען אויבן געהאט די טעכנאלאגיע צוריק לעבעדיג מאכן און נאכאמאל פארברענען ווי די דייטשן וואס האבן געפייניגט כמעט ביז טויט און דערנאך אויסגעהיילט כדי צו קענען ווייטער פייניגען.
<br />
<br />אבער ווען באזעצענע פעלקער האבן זיך צאמגענומען אפצושטעלן דאס אכזריות און באהאנדלען אפילו זינדיגע מיט מינימאלע רחמנות, איז גאט נישט צוריקגעבליבען. ער האט די אלע פיין געצייג אריינגעווארפן אין די פייער און די פייער פארלאשן מיט די שניי וואס האט זיך אזוי אויך צולאזט. און ער האט איבערגעבויט א מאדערנעם פארגעשריטענע גיהנום.
<br />
<br />געלויבט דער מזל, בין איך געשטארבן אין די קאמפיוטער-אלטער, ווען גיהינום איז שוין געווען פול מיט נשמות וואס האבן נישט געדענקט די אלטע גיהינם. פאר טרינקען וואסער אן א פילטער האב איך באקומען זיבן חדשים אין א קעמפ. דארט האב איך זיך געטראפן מיט לייט וואס איך האב מיך מיט זיי פארשטאנען, און איך האב געהאט מיט וועם צו טוישן א ווארט. די מאטראץ איז נישט געווען אזוי דיק, אבער אונז זעמיר געזעצן דערויף שעות, געקוקט טעלעוויזיע און געשפילט קארטן. ס'געווען א ספארט-פעלד מיט א ביבליאטעק און די צייט איז צו שנעל אדורך.
<br />
<br />דאן איז געקומען די טאג, איך געדענק עס נאך ווי היינט. די ערד איז געווען פארוואלקענט און איך האב געהאלטן אינמיטן א גוטע מאווי ווען ס'האבן אריינגעשטארעמט צוויי מלאכים אין ווייסן יונעפארם מיך אוועקנעמען אין גן עדן אריין, און מיין עולם הבא האט זיך דראסטיש געטוישט. ביים טיר פון גן עדן האט מען מיר גע'שחט'ען די יצר הרע. ס'האט נישט וויי געטוהן, מ'האט ערשט איינגעשלעפט יענעם ארט, אבער קיין תאווה האב איך מער נישט. מ'האט מיך אריינגעשטעלט אין א הויז מיט דריי הונדערט און צען צימערען געבויט פון א שטיין וואס איז אין עולם העבר געווען טייער. אין איין צימער שלאף איך, אין איין צימער עס איך, און אויף דריי הונדערט און אכט קוק איך.
<br />
<br />דא בין איך ארומגענומען מיט רבי'שע אייניקלעך וואס זענען ביזי א גאנצען טאג פארגלייכן חופות און זיך רייצן ווער ס'האט מער באדינערס. אמאל גיי איך ארויף אין די ישיבה של מעלה, דארט זיצן אלע רבנים און קריגען זיך אין הלכות וואס זענען נישט נוגע. ס'דארף צו הייסן אז מ'שפירט עפעס א געהויבענע הנאה וואס מ'קען נישט פארשטיין. איך פארשטיי עס טאקע נישט. אבער איך פארשטיי שוין וואס די חכמים האבן געמיינט ווען זיי האבן געזאגט אז כל חיי עולם הבא איז ערגער פון איין שעה מצות אויפן עולם הזה (אבות פרק ד').
<br />
<br />איך טרעף עפעס באקוועמהייט אין חלום'ען פון די אמאליגע גוטע צייטן אין גהנום. אבער דאס איז די נענטסטע וואס איך וועל צוקומען אהין ווייל א וועג צוריק איז נישטא. איך קען נאר ליגן אין בעט אין טרוימען פון גהינום. איך ליג שוין דא אזוי איבער פיר הונדערט יאר און איך הער אז ס'נישטא קיין ענדע צו די יארן וואס איך גיי דא ליגן. איך קען מיך נישט נעמען דאס לעבן און ס'איז שוין צו שפעט ארייצוכאפן נאך עבירות. דא וועל איך ליגן און טוהן דאס זעלבע לעולם ועד.</div><div class="blogger-post-footer"><img width='1' height='1' src='https://blogger.googleusercontent.com/tracker/7944698-109873327220628756?l=apikoros.blogspot.com' alt='' /></div>אחרhttp://www.blogger.com/profile/03769250495445625443noreply@blogger.com2tag:blogger.com,1999:blog-7944698.post-1097666020128098382004-10-14T07:05:00.000-04:002004-10-14T15:40:52.480-04:00מ'האט איהם געכאפט!<div style="text-align: center;" dir="rtl">אין א שפין לעכל נישט ווייט פון זיין געוועזענע פאלאץ האט מען איהם געטראפען.
<br />
<br /><img src="http://www.geocities.com/yiddishapikoros/spider-hole-white-house.jpg">
<br />
<br />אינגאנצען צושויבערט און באוואקסען האט מען איהם ארויסגעשלעפט.
<br />
<br /><img src="http://www.geocities.com/yiddishapikoros/bush-beard.jpg">
<br />
<br />און די גאנצע וועלט האט געדארפט מיטהאלטן ווי מ'איז בודק זיינע ציין.
<br />
<br /><img src="http://www.geocities.com/yiddishapikoros/dental-hong-kong.jpg">
<br />
<br />צום געריכט איז ער שוין געקומען ארומגעוואשען און שענער אנגעטוהן.
<br />
<br /><img src="http://www.geocities.com/yiddishapikoros/bush-cuffed.jpg">
<br />
<br />דער ריכטער האט איהם געפרעגט צו ער פארשטייט די קלאגעס.
<br />
<br />ער ווערט אנגעקלאגט אין די מאסן פארניכטונג פון איראקע ציווילער, און אין די מארד פון טויזענטע אמעריקאנע סאלדאטען.
<br />
<br /><img src="http://www.geocities.com/yiddishapikoros/iraqi-torture.jpg">
<br />
<br />די משפט וועט פארגעזעצט ווערן ווען די לאנד וועט זיין מער סטאביל און דעמאקראטיש. </div>
<br /><div class="blogger-post-footer"><img width='1' height='1' src='https://blogger.googleusercontent.com/tracker/7944698-109766602012809838?l=apikoros.blogspot.com' alt='' /></div>אחרhttp://www.blogger.com/profile/03769250495445625443noreply@blogger.com1tag:blogger.com,1999:blog-7944698.post-1097661934557138362004-10-13T09:05:00.000-04:002004-10-13T06:51:33.180-04:00מי ימות<div style="text-align: justify;" dir="rtl">מיט טרויער איז אנגעקומען די בשורה אז ס'גייט נאך עמיצער גע'הרג'עט ווערן און די קומענדיגע הארי פּאטער בוך: "הארי פאטער און די נישט מיוחס'דיג פרינץ". לופין זאל אפגעהיטען ווערן. דאנקען גאט, הארי איז פארזיכערט מיטן לעבן ביזן זיבעטען בוך. וואס וועט זיין דערנאך, בלייבט אונז נאר מתפלל צו זיין און האפן אז ער וועט דערלעבן די בן שמונה עשרה לחופה און אויפשטעלן אן ערליך וויזערדישען שטוב מיט זיין באשערטע טשא. ווער ווייסט, ער קען נאך קומען צום שכל אז גוטס און שלעכטס עקזיסטירן נישט און זיך אריבערכאפן צו די טויט-עסערס.
<br /></div><div style="text-align: justify;" dir="rtl">
<br />הארי פאטטער איז אזוי ווי גאט, ס'נישט מעגליך אויפציווייזן אז ער עקזיסטירט נישט.
<br /></div>
<br /><div class="blogger-post-footer"><img width='1' height='1' src='https://blogger.googleusercontent.com/tracker/7944698-109766193455713836?l=apikoros.blogspot.com' alt='' /></div>אחרhttp://www.blogger.com/profile/03769250495445625443noreply@blogger.com5tag:blogger.com,1999:blog-7944698.post-1097470625165601892004-10-11T09:53:00.000-04:002004-10-11T01:07:25.210-04:00הכול יכול<div dir="rtl" style="TEXT-ALIGN: justify">דער גרעסטער טעות וואס די פארבראצירער פון די אידישע רעליגיע האבן געמאכט, איז געווען צו זאגן אז זייער גאט איז א "כל יכול". וואס אויסער דעם וואס די צוויי ווערטער זענען א סתירה אין זיך, ווי עס איז באקאנט פאר לאגיקער, האבן זיי זיך דא געגראבען א גרויסע לאך. ווייל א יעדע תירוץ וואס אידן האבן אויף א קשיא אין זייער אמונה קען מען אפווענדען מיט די צוויי ווערטער.</div><div dir="rtl" style="TEXT-ALIGN: justify">
<br />● גאט דארף זיך באהאלטען פון אונז כדי מיר זאלן האבן א נסיון,</div><div dir="rtl" style="TEXT-ALIGN: justify; padding-right:20px">- אבער אן "אלעס-קען-ער" וואלט געקענט מאכן א נסיון אפילו מ'זעהט איהם אפן.</div><div dir="rtl" style="TEXT-ALIGN: justify">
<br />● גאט האט געדארפט באשאפען ווייטוג כדי מ'זאל וויסן ווען מ'צוקלאפט זיך,</div><div dir="rtl" style="TEXT-ALIGN: justify; padding-right:20px">- אבער אן "אלעס-קענער" וואלט געקענט אויפקומען מיט א בעסערע וועג.</div><div dir="rtl" style="TEXT-ALIGN: justify">
<br />● גאט דארף פייניגען מענטשען כדי זיי צו רייניגען פון עבירות,</div><div dir="rtl" style="TEXT-ALIGN: justify; padding-right:20px">- אבער א "הכל-יכול" וואלט פאטענטירט א וועג צו רייניגען עבירות אן יסורים.</div><div dir="rtl" style="TEXT-ALIGN: justify">
<br />מ'קען אזוי גיין ווייטער און ווייטער, ישמע חכם ויוסף לקח - זאל הערן דער קלוגער און צולייגען סחורה, ודע מה שתשיב למאמין...</div><div dir="rtl" style="TEXT-ALIGN: justify"></div><div class="blogger-post-footer"><img width='1' height='1' src='https://blogger.googleusercontent.com/tracker/7944698-109747062516560189?l=apikoros.blogspot.com' alt='' /></div>אחרhttp://www.blogger.com/profile/03769250495445625443noreply@blogger.com34tag:blogger.com,1999:blog-7944698.post-1096967896278385052004-10-05T11:15:00.000-04:002004-10-05T09:41:42.136-04:00חיים נצחיים<div dir="rtl" style="TEXT-ALIGN: justify"><a href="http://alexchiu.com/eternallife" target="newwin">אלקסנדר חייא</a> האט ערפונדען די טעכנאלאגיע צו לעבן אויף אייביג, דורך אנטוהן אזוינע סגולה רינגלעך. כאטש ער האט זיך נאך נישט מגייר געווען <a href="http://alexchiu.com/eternallife/backgrnd.htm" target="newwin">גלייבט ער אין די אידישע רעליגיע</a>.</div><div dir="rtl" style="TEXT-ALIGN: justify"> </div><div dir="rtl" style="TEXT-ALIGN: justify"></div><div dir="rtl" style="TEXT-ALIGN: justify"></div>
<br /><div dir="rtl" style="TEXT-ALIGN: justify">איך קלער אויך אנצוטוהן די רינגלעך ווייל וואס האב איך צו פארלירן? ס'דאך אלץ דא די מעגליכקייט אז ס'איז אמת, סוף כל סוף טויזענטע מענטשען קויפן דאס.</div><div dir="rtl" style="TEXT-ALIGN: justify"></div><br><div class="blogger-post-footer"><img width='1' height='1' src='https://blogger.googleusercontent.com/tracker/7944698-109696789627838505?l=apikoros.blogspot.com' alt='' /></div>אחרhttp://www.blogger.com/profile/03769250495445625443noreply@blogger.com5tag:blogger.com,1999:blog-7944698.post-1096875622075121402004-10-05T08:39:00.000-04:002004-10-05T09:42:10.410-04:00שמחת בית השואבה<div dir="rtl" align="justify">סוכות איז געווען די שענסטע יום טוב אין ירושלים. ס'דער צייט פון יאר ווען די וועטער איז א מחיה. דער עקאנאמיע איז אין איר הויכפונקט, האבענדיג נארוואס גע'ענדיגט די ארבעט פון איינזאמעלען די תבואות מיט גרויסע רווחים. דער עולם איז גוט אויפגעלייגט.
<br />
<br />און אזא סעזאן האט זיך יעדער ארויפגעלאזט קיין ירושלים. מיט וואגאנען אנגעלאדענט פירות און מיט טאשען אנגעפולט געלט. די גאסען פון ירושלים האבן געשווארמעט מיט מענטשען פון אלע עקן לאנד. פריינט האבן זיך געטראפען און משפחות זענען זיך צאמגעקומען. מ'האט געגעסען בהמה פלייש, געטרונקען וויין און ביר, און זיך געלאזט וואוילגיין. די שענסטע זענען נאך געווען די נעכט, ווען אין אלע גאסען איז געווען לעכטיג און ס'האט זיך געהערט מוזיק פון די הר הבית וואו די עולם האט פארברענגט א גאנצע נאכט מיט אלע סארט ענטערטעינמענט.
<br />
<br />סוכות איז געווען די יו"ט פאר די מענטשען, כלו לכם. די גייסטישע פירער האבן נאכגעלאזט פון זייער עקסטרעמקייט און געלאזט די עולם זיך אביסל אויסגעבן. זיי האבן געזאגט, "זאלסטיך פרייען און דיין האלידעי און זאלסט זיין נאר פרייליך". די לווים וועלעכע האבן א גאנצע יאר געזונגען פאר גאט אין די עזרה וואו נישט יעדער האט געהאט צוטריט, זענען ארויסגעקומען שפילן פארן פאלק אין די עזרת נשים. אנשטאטס עוסק צו זיין אין מאדנע עבודות ווי שפריצן בלוט און ווארפען אש, האט מען עוסק געווען אין שמחות וואס די המון עם פארשטייט; מוזיק, קונצען, לאמפען, און טאנצען.
<br />
<br />די עליה לרגל איז געווען א גרויסע חלק פון ירושלים'ס עקאנאמיע. מ'האט זיך זייער געזארגט פאר די באקוועמליכקייט פון די טוריסטן. מ'האט פאר זיי געפלאסטערט וועגן (תוספתא שקלים א,א) און געגראבען רעזארווארן. פארשידענע געזעצען זענען געווען אין ירושלים ספעציעל צוליב די עולי רגלים, פון זאנינג לימיטס (בבא קמא דף פ"ב:) ביז רענט קאנטראל (מגילה דף כ"ו.). געוויסע הלכות האט מען מתיר געווען נאר פאר די עולי רגלים למשל סארט עירוב'ן (עירובין דף כ:) און טייל טומאה'ס (נידה דף ל"ד.). ירושלים איז נישט געווען אזוי געבענטשט מיט נאטירליכע אוצרות (פסחים דף ח:) און האט שטארק ארויסגעקוקט אויף די פארדינסטן פון טוריזם. ווי נאר די עולי רגל זענען אנגעקומען איז גלייך די עקאנאמי ארויף (אבות דרבי נתן נוסח ב' פרק ל"ט).
<br />
<br />צו דעם איז צוגעקומען דער געניאלען איינפאל פון מעשר שני. מעשר שני איז געגאנגען עפעס אזוי: צען פערצענט פון וואס מ'פארדינט גייט פאר מעשר שני. מעשר שני מעג יעדער עסן ווי'זוי מ'וויל, נאר איין תנאי, מ'מעג עס ספענדן נאר אין ירושלים. איז אויסגעקומען אז א צענטל פון דאס לאנד'ס עקאנאמיא האט זיך קאנצענטרירט אין ירושלים. מיליאנען שקלים אין ווערט פון זילבער און פרוכט זענען ארויפגעקומען יעדעס יאר קיין ירושלים. די בעלי-בתים זענען געווענליך נישט אנגעקומען אויפצועסן די גאנצע בשעת'ן יו"ט און בעפאר זיי זענען אהיימגעגאנגען האבן זיי עס אויסגעטיילט פאר זייערע באקאנטע און פאר ארימעלייט (רש"י ב"מ כ"ו.). ירושלים האט פון דעם געהאט צו לעבן א גאנץ יאר.
<br />
<br />ווי מ'זעהט אין מלכים א' פרק י"ב איז נאך שלמה המלך'ס פטירה פארגעקומען א רעוואלוציע. די אידן זענען געקומען פאר רחבעם און געבעטען ער זאל אראפלאזן פון די אומ'יושר'דיגע שטייערען וואס זיין פאטער שלמה האט ארויפגעלייגט אויף די אנדערע שבטים. ווען ער האט נישט געוואלט נאכלאזן, האבן זיך די צען שבטים פון ישראל אפגעטיילט פון די קעניגרייך יהודה און זיך געשאפען אן אוטאנאמישען קעניגרייך אונטער ירבעם בן נבט.
<br />
<br />אגב, קומט זיך דא קרעדיט פאר א איד מיטן נאמען שמעיה גאטעסמאן זכרונו לברכה וואס האט אפגעהאלטן א ברודער קריג פון אויסברעכן ציווישן אידן. רחבעם האט שוין געהאט אנגעגרייט אן ארמיי פון הונדערט אכציג טויזענט אינגעלייט צו גיין מלחמה האלטן מיט ישראל ווען שמעיה האט אויסגערופען אז ער האט אליין געהערט פון גאט אז מ'זאל נישט גיין אין מלחמה ווייל אזוי איז באשערט ס'זאל זיין. מ'האט איהם אויסגעהערט און אהיימגעגאנגען. ער האט אויסגענוצט זיין השפעה אלס נביא צו פארמיידען נאך אומשולדיג בלוט, זי"ע.
<br />
<br />ירובעם בן נבט האט געוואוסט די היפנאטיזירענדע כח פון רעליגיע צו ציען מענטשן, און אז אידן וועלן ארויפגיין קיין יהודה אויף סוכות וועט מען פון זיי ארויסשלעפן די געלט מיט רעליגיעזע תירוצים. איז כדי אפצוהאלטן דאס פאלק פון צוריקפאלן צום אלטען אומ'יושר'דיגען מצב, האט ער געבויעט אן אייגענעם טעמפל אין בית אל. ער האט געמאכט א חג בערך די זעלבע צייט וואס די יהודה'ן האבן געפייערט סוכות (א חודש שפעטער), ער האט זיך געשאפען אייגענע כהנים - נישט דווקה פון שבט לוי, ער האט אויך מקטיר געווען אויפן מזבח, און אויך געזאגט פארן פאלק אז דאס איז די גאט וואס האט ענק ארויסגעצויגען פון מצרים. בקיצור ער האט צוגעשטעלט רעליגיע פארן עולם.
<br />
<br />די לעגענדע זאגט אז ירבעם האט געלייגט שומרים אויפן וועג קיין ירושלים צו קאנטראלירן די אומלעגאלע עקספארט פון פרוכט און העלצער. און אז שפעטערדיגע קעניגן פון ישראל האבן אוועקגענומען די שומרים. אזוי צו אזוי, די עולם האט שוין געהאט אויף וואס צו בלייבן אינדערהיים.
<br />
<br />די אינסטאנצען אין יהודה, כדי צו ציען דאס פאלק צו קומען אויף סוכות קיין ירושלים, האבן געמוזט צושטעלען עפעס בעסערס. האבן זיי געדארפט מאכן קאנצערטען, צירקוסען, און אנדערע אטראקציעס געשמירט מיט גוזמאות, רוחניות, און נאסטאלגיע - ס'איז מיסטאם שיין געווען צו זיין סוכות אין ירושלים, ווילאנג מ'איז געשטאנען ווייט אוועק פון דארט א גאנץ יאר. </div><br><div class="blogger-post-footer"><img width='1' height='1' src='https://blogger.googleusercontent.com/tracker/7944698-109687562207512140?l=apikoros.blogspot.com' alt='' /></div>אחרhttp://www.blogger.com/profile/03769250495445625443noreply@blogger.com0tag:blogger.com,1999:blog-7944698.post-1096483003009167902004-09-29T14:32:00.000-04:002004-09-29T14:36:43.010-04:00מיין אתרוג<div dir="rtl" style="TEXT-ALIGN: justify">אזוי ווי דער מנהג ישראל זיך אויפציווייזן מיטן אתרוג פאר אנדערע צו קריטיקירן, רייצן, און קאמפלאמענטירן, לייג איך דא א בילד פון מיין אתרוג.</div><div dir="rtl" style="TEXT-ALIGN: justify">
<br />דער אתרוג איז מיר געפאלען ווייל עס איז מרמז אויפן אתרוג דומה ללב. דער סוחר ליינענדיג מיין פנים האט גלייך ארויפגעשרויפט די פרייז און געזאגט אז ס'נאר געליגען ציווישן די נוי-סוכה אתרוגים ווייל איינער האט עס פריער בטעות צוריקגעלייגט אהין.</div><div dir="rtl" style="TEXT-ALIGN: justify"></div>
<br /><div align="center"><img src="http://www.geocities.com/yiddishapikoros/Etrog.gif" /></div>
<br /><div dir="rtl" style="TEXT-ALIGN: justify">
<br />נו, ווי זאגט איר? א הדר?</div><div class="blogger-post-footer"><img width='1' height='1' src='https://blogger.googleusercontent.com/tracker/7944698-109648300300916790?l=apikoros.blogspot.com' alt='' /></div>אחרhttp://www.blogger.com/profile/03769250495445625443noreply@blogger.com0tag:blogger.com,1999:blog-7944698.post-1096310205195771872004-09-27T14:36:00.000-04:002004-09-27T15:28:51.083-04:00פאביעס<div style="text-align: justify;" dir="rtl">"ולכל בני ישראל לא יחרץ כלב לשונו" דעם פסוק פלעג איך איבערזאגן מיט א הייסקייט אלס קינד ווען אימער כ'האב געזען פונדערווייטענס א הינט, און איך האב אריבערגעשפרייזט צו די אנדערע זייט גאס. ס'בדוק ומנוסה ווייל איך בין קיינמאל נישט געביסן געווארן.
<br />
<br /></div> <div style="text-align: justify;" dir="rtl"> </div> <div style="text-align: justify;" dir="rtl">איך האב מיך אין דעם דערמאנט היינט צופרי ווען גייענדיג אין גאס איז מיר אקעגן געקומען מיינער א באקאנטער, א מיטליעריגע איד, א רב אין א בית-מדרש, ציווישן אונז ביידע האט שפאצירט א גוי מיטן הינטל אין זיין ריכטונג. ווען די גוי איז איהם פארביי האט ער כמנהג ישראל סבא אוועק גענויגט על אם הדרך ווי די אידן אין געטא ווען זיי האבן געזעהן א דייטש.
<br />
<br /></div> <div style="text-align: justify;" dir="rtl"> </div> <div style="text-align: justify;" dir="rtl">ווען מיר האבן זיך באגעגנט פרעגט ער מיר "וויאזוי גייט מען דאס דורך א הונט אן מורא האבן?" האב איך איהם געזאגט "אז מ'גייט אפילו מ'האט מורא. מיט די צייט זעהט מען אז ס'געשענט גארנישט און מ'פארלירט די פחד" רופט ער זיך אן "מ'דארף גיין - איך האב מורא נאר פון אייבערשטען נישט פון קיינעם אנדערש!" און מיר האבן זיך פונאדערגעשיידט.
<br />
<br /></div> <div style="text-align: justify;" dir="rtl"> </div> <div style="text-align: justify;" dir="rtl">פון ווי האב איך מיך אויסגעלערנט צו ברעכען פאביעס? איך געדענק נאך די צייטן ווען כ'האב שוין נישט געגלייבט אין גאט, כ'האב אבער נאך אלץ מורא געהאט אנצוצינדען א לעקטער אום שבת. ס'געווען אזא איינגעגעסענע אומראציאנאלע פחד, וואס דאס איז א פאביע, מ'ווייסט אז ס'נישט מסוכן דאך האט מען מורא, געווענליך ווייל ס'איז איינגעפלאנצט געווארען אלס קינד.
<br />
<br /></div> <div style="text-align: justify;" dir="rtl"> </div> <div style="text-align: justify;" dir="rtl">האט אבער פאסירט אז כ'האב אמאל געדארפט שטארק וויכטיג א לעקטער, האב איך מגבר געווען מיין מח אויף מיין הארץ, און עס אנגעצינדען טראץ די פחד - והנה, ס'נישט אראפגעקומען א בליץ פון הימל מיך צו סמייטן, און מיין הארץ האט געזען אז מיין מח האט רעכט. דאס נעקסטע מאל האט ער שוין גרינגער ערלויבט די מח איינטיילען און איך האב שוין געצינדען פאר נישט אזעלעכע וויכטיגע סיבות.
<br />
<br /></div> <div style="text-align: justify;" dir="rtl"> </div> <div style="text-align: justify;" dir="rtl">די פחד פון הינט איז אזא נאציאנאלע פאביע וואס רוב מנין ובנין פון היימישע אידען (אויסער עטליכע אפיקורסום) פארמאגען דאס. ס'איז א צייכן ווי דער געלער שטערן. אז מ'וויל וויסן צו איינער איז א היימישע איד דארף מען נישט מער פון דעם. ער מעג גיין אנגעטוהן און פארשטעלט וויאזוי ער וויל. פיהר דורך א הינט נעבן איהם וועסטו גלייך דערקענען צו ער איז א היימישע איד.
<br />
<br /></div> <div style="text-align: justify;" dir="rtl"> </div> <div style="text-align: justify;" dir="rtl">ס'גייט צוזאמען מיט אסאך אנדערע נאציאנאלע פאביעס. אונזערע בחורים ווייסן אז טאמער גריסט מען א גוי'איש מיידל גייט זי איהם פאר'מסר'ען אויף רעיפ, און טאמער גריסט מען א גוי'איש אינגל באקומט מען עידס. טאמער גריסט מען א שווארצער ווערט מען גע'הרג'עט און טאמער לעשט זיך אויס די יום כיפור ליכט גייט מען דאס יאר שטארבען. וכהנה רבים, און אזוינע איז דא אסאך. הצד השוה שבהן, וואס אלע זענען אייניג, אז טאמער שטארקט מען זיך און מען טוט עס יא, געשענט גארנישט און מ'פארלירט די שרעק.
<br />
<br /></div><div class="blogger-post-footer"><img width='1' height='1' src='https://blogger.googleusercontent.com/tracker/7944698-109631020519577187?l=apikoros.blogspot.com' alt='' /></div>אחרhttp://www.blogger.com/profile/03769250495445625443noreply@blogger.com11tag:blogger.com,1999:blog-7944698.post-1095884349554087772004-09-23T10:39:00.000-04:002004-10-06T07:55:16.940-04:00פקודי העדה<div style="text-align: justify;" dir="rtl">שוין א לענגערע צייט וואס די <a href="javascript:void(0)" onclick="return GetResults(window.document.pollform553, 0,2690962499,32,25341);">אנקעטע</a> דא אין די <a href="#Survey">זייט</a> האלט זיך ביי די זעלבע נומערען בערך: 71% מאמינים, 8% מסופקים, 21% כופרים. דאס איז נישט צופיהל אנדערש פון די אמעריקאנער גוי לויט א <a href="http://www.harrisinteractive.com/harris_poll/index.asp?PID=408">העריס פאול</a>. ס'איז אבער הויך פאר אידען ווייל נאר 48% פון אידן גלייבן אין א גאט.
<br />
<br />ס'איז אינטערעסאנט וואס זיי שרייבען דארט אז אויפן טעלעפאן וועלן מער מענטשען פילן אומבאקוועם צו זאגען אז זיי גלייבען נישט. און אז פרויען גלייבען מער ווי מענער, שווארצע גלייבען מער ווי ווייסע, רעפובליקאנער גלייבען מער ווי דעמאקראטען, און אומגעלערענטע גלייבן מער ווי קאלעדזש געלערענטע.
<br />
<br />איין זאך איז מיר אבער א חידוש. מיין סברא וואלט געווען אז ס'דארף זיין סאך מער מסופקים - כאטש מער ווי כופרים. און למעשה זענען זיי דא די ווייניגסטע. איך מיין אז איינער וואס איז מסופק וועט סאך ענדערשער בכלל נישט שטימען. ס'קען אויך זיין אז אסאך אידען, אפילו זיי האבן ספיקות, האלטן זיי זיך פאר מאמינים ווייל סוף-כל-סוף זענען זיי מחמיר מספק.
<br />
<br />מ'קען טענה'ען אז די אנקעטע דא שפיגעלט נישט אפ א גרויסע חלק פון היימישע אידן וואס גייען נישט ארויף אויפן אינטערנעט און אז ביי זיי איז די צאל מאמינים העכער. קען מען דאך זיי נישט פרעגען. ביי זיי איז אפילו שווער צו דערגיין ווי סאך ס'וואלטען ארויפגעגאנגען אויפן אינטערנעט ווען זיי האבן די ברירה, און ווי סאך ס'גייען טאקע ארויף. איך מיין אז ביי זיי איז דא מער אפיקורסים, פאר עטליכע סיבות. מ'קען דאס נישט פעסטשטעלען אבער מ'קען עס באמערקען אויף די שמייכל ווען זיי הערן א גוט שטיקל אפיקורסות.
<br />
<br />אבער לאמיר זאגען אז דער אמת'ער נומער איז סאך קלענער, למשל 5%. מיינט דאס אז אויב אין ניו יארק איז דא הונדערט טויזענט היימישע אידן איז אויך דא 5,000 היימישע כופרים. אז אין דיין בית-המדרש דאווענען פערציג אידען איז מן הסתם דא כאטש צוויי מתפללים וואס גלייבן נישט אין גאט. ס'מיינט אויך אז אין א יעדע אידישע מנין איז דא א פיפציג פערצענט טשענס אז דער צענטער איז א כופר, פאר דעם זאגט מען אנו מתירין להתפלל עם העבריינים...
<br />
<br /></div><div class="blogger-post-footer"><img width='1' height='1' src='https://blogger.googleusercontent.com/tracker/7944698-109588434955408777?l=apikoros.blogspot.com' alt='' /></div>אחרhttp://www.blogger.com/profile/03769250495445625443noreply@blogger.com5tag:blogger.com,1999:blog-7944698.post-1095494538471077202004-09-21T19:00:00.000-04:002004-09-21T18:43:17.006-04:00עיניים להם<div style="text-align: justify;" dir="rtl">איינער אפערט צו נעמען א קוויטל פאר מיר צו מקומות הקדושים. פרעג איך איהם וואו ער גייט עס לייגען אז די צדיק זאל עס קענען ליינען. זאגט ער מיר אז נעבן ציון קען מען לייגען קוויטלעך. פרעג איך איהם אויב איך האלט די קוויטל דא, קען עס דער צדיק נישט ליינען? זאגט ער מיר אז פון די נאנט קען מען בעסער זעהן.
<br />
<br /></div><div class="blogger-post-footer"><img width='1' height='1' src='https://blogger.googleusercontent.com/tracker/7944698-109549453847107720?l=apikoros.blogspot.com' alt='' /></div>אחרhttp://www.blogger.com/profile/03769250495445625443noreply@blogger.com1tag:blogger.com,1999:blog-7944698.post-1095407618077014242004-09-18T21:58:00.000-04:002004-09-19T04:28:42.543-04:00מי יתן לי אבר כיונה<div style="text-align: justify;" dir="rtl">"ברעיק-אועי" דורך ‎ <a href ="http://www.kellyclarksonweb.com/">‏קעלי קלארקסאן:‏</a></div>
<br /><div style="text-align: left;" dir="ltr">
<br />Grew up in a small town
<br />
<br />And when the rain would fall down
<br />
<br />I'd just stare out my window
<br />
<br />Dreaming of what could be
<br />
<br />And if I'd end up happy
<br />
<br />I would pray
<br />
<br />
<br />
<br />Trying hard to reach out
<br />
<br />But when I tried to speak out
<br />
<br />Felt like no one could hear me
<br />
<br />Wanted to belong here
<br />
<br />But something felt so wrong here
<br />
<br />So I'd pray
<br />
<br />I could break away
<br />
<br />
<br />
<br />I'll spread my wings and I'll learn how to fly.
<br />
<br />I'll do what it takes till I touch the sky.
<br />
<br />Make a wish, take a chance,
<br />
<br />Make a change, and break away.
<br />
<br />Out of the darkness and into the sun.
<br />
<br />But I won't forget all the ones that I love.
<br />
<br />I'll take a risk, take a chance,
<br />
<br />Make a change, and break away
<br />
<br />
<br />
<br />Wanna feel the warm breeze
<br />
<br />Sleep under a palm tree
<br />
<br />Feel the rush of the ocean
<br />
<br />Get onboard a fast train
<br />
<br />Travel on a jetplane
<br />
<br />Far away
<br />
<br />And break away
<br />
<br />
<br />
<br />I'll spread my wings and I'll learn how to fly.
<br />
<br />I'll do what it takes till I touch the sky.
<br />
<br />Make a wish, take a chance,
<br />
<br />Make a change, and break away.
<br />
<br />Out of the darkness and into the sun.
<br />
<br />But I won't forget all the ones that I love.
<br />
<br />I'll take a risk, take a chance,
<br />
<br />Make a change, and break away
<br />
<br />
<br />
<br />Buildings with a hundred floors
<br />
<br />Swinging with revolving doors
<br />
<br />Maybe I don’t know where they’ll take me
<br />
<br />Gotta keep movin on movin on
<br />
<br />Fly away
<br />
<br />Break away
<br />
<br />
<br />
<br />I'll spread my wings and I'll learn how to fly.
<br />
<br />Though it’s not easy to tell you goodbye
<br />
<br />Make a wish, take a chance,
<br />
<br />Make a change, and break away.
<br />
<br />Out of the darkness and into the sun.
<br />
<br />But I won't forget the place I come from
<br />
<br />I gotta take a risk, take a chance,
<br />
<br />Make a change, and break away
<br />
<br />Breakaway
<br />
<br />Break away
<br /> </div>
<br />
<br /><div class="blogger-post-footer"><img width='1' height='1' src='https://blogger.googleusercontent.com/tracker/7944698-109540761807701424?l=apikoros.blogspot.com' alt='' /></div>אחרhttp://www.blogger.com/profile/03769250495445625443noreply@blogger.com1tag:blogger.com,1999:blog-7944698.post-1095228766225805852004-09-15T10:58:00.000-04:002004-09-15T02:12:46.226-04:00בראש השנה יכתבון<div style="text-align: justify;" dir="rtl">ס'קומען יעצט עטליכע טעג מיט אסאך צייט צו פלאנען איבער בלאגס. די בעסטע, מיין איך, פאנטאזירט זיך ביי מוסף. איך ווייס נאך נישט פונקטליך ווי אזוי כ'וועל אפשרייבען נאטיצן פון וואס ס'פאלט מיר איין, וויפיל מאל קען מען שוין לויפן אין טוילעט? אבער איך האף אז ענק וועלן הנאה האבן פון מיין ראש השנה.
<br />
<br />עניוועי, פאר אלע אידישע ליינער וויל איך וואונטשען א פרייליכען ניי יאהר - וואונטשען מאכט דען עפעס אויס? נאר די עיקר איז די רצון. 'עמיר זיך זעהן נעקסטע יאהר.
<br />
<br /></div><div class="blogger-post-footer"><img width='1' height='1' src='https://blogger.googleusercontent.com/tracker/7944698-109522876622580585?l=apikoros.blogspot.com' alt='' /></div>אחרhttp://www.blogger.com/profile/03769250495445625443noreply@blogger.com1tag:blogger.com,1999:blog-7944698.post-1094634309436453702004-09-09T08:03:00.000-04:002004-09-09T04:36:13.110-04:00א פארקעסט<div style="text-align: justify;" dir="rtl"><span style="font-family:arial;">פארזאגן דעם צוקנופט איז זייער שווער. מיליאנע זאכן קענען פאסירן וואס יעדע איינע פון זיי קען גענצליך טוישן אלעס. מ'קען אבער קוקען אויף די ווינטן וואו זיי בלאזן יעצט און שאצן בערך ווי אזוי ס'גייט אויסקוקען מארגען מיט א גרויסע טשאנס פון ווירקליכקייט.</span>
<br />
<br /><span style="font-family:arial;">אזוי ווי ס'זעהט יעצט אויס, איז דא א חלק וואס זענען אקעגן די סיסטעם. צי ווייל זיי גלייבן נישט, צי ווייל זיי ווילן נישט. ווי גרויס דע חלק איז, איז שווער צו שאצן ווען מענטשן האבן מורא צו רעדן. אבער על כל פנים, דע חלק האלט אין איין וואקסן. קודם וואקסט עס מיט פונקט ווי די גאנצע כלל וואקסט און זיי ווערן נישט קלענער אין פערצענט. און נאך דעם וואקסען זיי מער און פערצענט אויך. ווי מער מענטשן זענען אקעגן, אלס מער קומען צו דורך חברותא. ווי גרעסער די התנגדות ווערט אלס קלענער ווערט די פחד, און ווי קלענער די פחד ווערט אלס גרעסער ווערט די התנגדות.</span>
<br />
<br /><span style="font-family:arial;">איינמאל די התנגדות ווערט גענוג גרויס זיך צו קענען אליין אויסהאלטן בריווח מיט פרנסה, שידוכים, מוסדות, "בתי-קברות", און אלע אנדערע כלל-בינדערס, גייט די גאנצע פחד אויפלאזן און די וואנט גייט אויפשיסן. די רעזולט גייט זיין דעמקראטיע, בחירה, און פרייהייט. אידישקייט גייט צוריקגיין צו איר נאטורליכע פארם, וואס איז רוב-פריי. דאס דארף קיינער נישט גורם זיין און דאס קען קיינער נישט אפשטעלן. אבער טעכנאלאגיע גייט אסאך ארויסהעלפען.</span>
<br />
<br /><span style="font-family:arial;">די ערשטע גייען קומען נייע מוסדות. ס'דא גענוג וואס זענען שוין היינט נישט צופרידן מיט די מוסדות אפילו פון די פרומע. איך זעה אין די גאר נאנטע צוקנופט די גרינדונג פון דעמאקראטישע מוסדות וואס באלאנגען פאר די עלטערען פון די שילערס. וואו ס'וועט זיין וואלן יעדע שטיק צייט און די עלטערען גייען וועהלן מנהלים און באשליסן וואס די פאליסיס זאלן זיין. פון וועם באשטייט א מוסד אויב נישט פון די עלטערען'ס געלט און קינדער? ס'נאר געהיידזשעקט געווארן דורך יחידים מיט אייגענע אגענדעס און זיי ניצן דעם מאכט צו טעראריזירן מענטשן. דאס גייט זיך ענדיגען. ווען עלטערען גייען קאנטראלירען פאליסיס גייט אויטאמאטיש פארקומען גרויסע שינוים לטובה, וואס די פרטים זענען אן אריכות פאר זיך. ס'וועט אוודאי זיין אן אויסוואהל פון אלע מינים, די וואס זענען צו פרום פאר די היינטיגע מוסדות גייען אויך עפענען אייגענע, ווען ס'וועט זיין גענוג פון זיי צו שטיין אליין. און ס'וועט זיין אזעלעכע סארט וואס מ'זעהט נישט היינטיגע צייטן. יעדער וועט זיך טרעפן א פאסיג מקום.</span>
<br />
<br /><span style="font-family:arial;">אין די מינוט וואס ס'דא גענוג קאסטומערס צו בלייבן אין ביזנעס, גייען זיך עפענען כל מיני פארוויילונגס ערטער מיט א אידישען טעם פאר היימישע אידן. איך לאז עס פאר די אידישע קעפ אויפצוקומען מיט די פרטים - די אידישע טעאטור, די היימישע קרעטשמע, די חסיד'ישע ליעג, וכו', וכו'. דאס וואס היינט דארף יעדע טעיפ, ביכל, און געשעפט זיך רעכענען מיט די רבנים ווייל אז נישט וועט קיינער נישט קויפן, דאס גייט בטל ווערן ווען ס'דא גענוג קונדען וואס פייפן אויף די רבנים.</span>
<br />
<br /><span style="font-family:arial;">מ'רעדט אסאך מאל פון די אידישקייט וואס מ'האט אויפגעשטעלט און אמעריקע ווי געלונגען ס'איז. די אידישקייט און אמעריקע איז נאך אין די ווינדלען – אינגאנצען אנדערטהאלבן דור אלט. נו, ס'געלונגען פאר איין דור, א הייפעלע מלחמה איבערלעבער - וואס נאך די מלחמה זענען געבליבן ביי אידישקייט נאר דיע וואס זענען געווען גאר שטארק געטריי צו גאט (אדער די וואס זענען נישט געווען לאנג אין לאגער), ס'קיין שום ראי' אויף ווייטער. נאך דערצו אז אמעריקע בלייבט אויך נישט שטיין.</span>
<br />
<br /><span style="font-family:arial;">אוודאי גייען אלץ איבערבלייבן ערליכע אידן וואס וועלן גיין אין האלבע הויזן און צווינגען די קינדער צו לערנען תורה פון פינעווע פארטאגס ביז צענע ביינאכט. אבער ווען דער בחור'על וועט וועלן ארויס, וועט עס איהם זיין זייער גרינג און בא'טעם'ט. פיקטשור דיך א ברוקלין מיט הונדערט טויזענט היימישע גוים - אן ערליכע איד זאגט דא, "משיח זאל אוודאי קומען פאר דעם" ווייל פון משיח דערמאנט זיך א איד ווען ער זעהט נישט קיין אנדערע אויסוועג פאר א צרה. משיח וועט אוודאי נישט קומען פאר דעם. און מיר זאלן טאקע בקרוב זוכה זיין צו דערלעבן די גוטע צייטן בב"א.</span>
<br />
<br /></div><div class="blogger-post-footer"><img width='1' height='1' src='https://blogger.googleusercontent.com/tracker/7944698-109463430943645370?l=apikoros.blogspot.com' alt='' /></div>אחרhttp://www.blogger.com/profile/03769250495445625443noreply@blogger.com5tag:blogger.com,1999:blog-7944698.post-1094434960485372522004-09-06T09:30:00.000-04:002004-09-06T01:30:11.613-04:00די מולד<div style="text-align: justify;" dir="rtl">אויף א דרשה האב איך געהערט ווי מ'באוואונדערט די חכמה פון חז"ל. אז ווען נאסא האט אויסגערעכנט מיט אן אטאמישען זייגער די מולד פון די לבנה, האבן זיי געטראפען מיט א חלק פון א סעקונדע אפגערוקט פון וואס חז"ל האבן שוין געוואוסט טויזענטע יאהר צוריק. די עולם האט געשפירט אן התרוממות אזוי ווי נאך אן השגחה פרטית מעשה, און דער דרשן האט אויסגעפיהרט אז ווען נאסא וועט ווערן מער פארגעשריטען וועלן זיי צוטרעפען גענוי צו חז"ל.
<br />
<br />למעשה איז דעם חשבון פון אויסרעכענען דעם מולד שוין געווען ברייט באקאנט אפאר הונדערט יאהר פאר חז"ל. דער כשדי <a href="http://en.wikipedia.org/wiki/Kidinnu">קידינו</a> האט שוין געהאט דעם פונקטליכען חשבון אין יאהר 383 ב.ק.
<br />
<br />אינטערעסאנט אז וואס די גריכען רעכענען אויס מיט לאגיק דאס זעהן אונזערע חכמים ברוח קודשם. בשעת <a href="http://en.wikipedia.org/wiki/Hipparchus">היפארכוס</a> שרייבט פונקטליך וויאזוי ער האט עס אויסגערעכנט, זאגט רבן גמליאל כך מקבלנו מבית אבי אבא. אוודאי האבן די יונים גע'גנב'עט דעם חשבון פון מלכות בית דוד. שלמה המלך איז געווען די קליגסטע מענטש אין היסטאריע, ווייל אזוי האבן די קעניגליכע ביאגראפער געשריבן, והא ראי' ער האט געזאגט משלים אויף פוקס און אויף פויגל. איך מיין אז שלמה המלך איז געווען קליג ווייל ער האט געדינט עבו"ז צי געווינען די הארץ פון בת פרעה.
<br />
<br />צוויי טויזענט יאהר ארום גייט א איד טרעפן אונזער'ס א זמנים צעטל און באוואונדערען די חכמה פון אונזערע רבנים וואס האבן אויסגערעכענט די רגע פון סוף זמן קריאת שמע. און זיי וועלן קומען צו די מסקנה אז נאסא האט זיך געלערנט מאכן ראקעטען ביי ר' מיכאל דוב ווייסמאנדל ז"ל.
<br />
<br /></div><div class="blogger-post-footer"><img width='1' height='1' src='https://blogger.googleusercontent.com/tracker/7944698-109443496048537252?l=apikoros.blogspot.com' alt='' /></div>אחרhttp://www.blogger.com/profile/03769250495445625443noreply@blogger.com9tag:blogger.com,1999:blog-7944698.post-1094098164634753442004-09-04T23:56:00.000-04:002004-09-04T23:46:27.823-04:00כותל המערבי<div style="text-align: justify;" dir="rtl">אמאל פלעג איך קוקען אויפן כותל המערבי מיט נאסטאלגיע און טראכטן ' אט אויף יענע זייט וואנט פלעגט מען שחט'ען יונגע קעלבעלעך און זיי גענצליך פארברענען, גאט פלעגט זיך באלעקן די פינגער און מוחל זיין די עבירות, און אידן האבן געשפירט א קדושה וואס קיינער קען נישט משיג זיין '.
<br />
<br />היינט אז איך קוק אויף יענעם וואנט טראכט איך ' אט אויף די אנדערע זייט פון דעם וואנט פלעגט מען פסק'ענען אויף איינער וואס האט ארויסגעצויגן א ביין פון פיש אום שבת, אז מ'זאל יענעם ארויספיהרען אויסער די שטאט און די גאנצע פאלק זאל איהם באווארפען מיט שטיינער ביז ער ווערט גע'הרג'עט ', אין איך זאג "ברוך שעקר עבודה זרה מארצינו" אן די שם ומלכות.
<br />
<br /></div><div class="blogger-post-footer"><img width='1' height='1' src='https://blogger.googleusercontent.com/tracker/7944698-109409816463475344?l=apikoros.blogspot.com' alt='' /></div>אחרhttp://www.blogger.com/profile/03769250495445625443noreply@blogger.com6tag:blogger.com,1999:blog-7944698.post-1094170625962984552004-09-03T08:14:00.000-04:002004-09-02T22:54:14.116-04:00מיכעלאנגעלא'ס דויד<div style="text-align: justify;" dir="rtl"><a href="http://www.geocities.com/yiddishapikoros/Duvid.jpg"><img src="http://www.geocities.com/yiddishapikoros/Duvid.jpg" width="430" /></a>
<br />
<br />אז מ'באטראכט די קינצליכע דעטאלען אין דעם הערליכען צלם פון דוד המלך, באמערקט מען אז דוד איז נישט גע'מל'עט. איך גלייב נישט אז מיכאלענגעלא האט געמאכט א טעות.
<br />
<br />איך מיין אז ער איז מרמז איבער א טבע אין מענטשען. וואס וויפיל מאל מ'זאל זיי זאגן אז ס'דא טויזענטע מענטשען וואס זענען אנדערש פון זיי, וועט זיך זיי נאך אלץ דאכטען אז די גאנצע וועלט איז פונקט אזוי ווי זיי, טיעף אינעווענדיג, אינטער די קליידער.
<br />
<br /></div><div class="blogger-post-footer"><img width='1' height='1' src='https://blogger.googleusercontent.com/tracker/7944698-109417062596298455?l=apikoros.blogspot.com' alt='' /></div>אחרhttp://www.blogger.com/profile/03769250495445625443noreply@blogger.com5tag:blogger.com,1999:blog-7944698.post-1094108830441310052004-09-02T09:44:00.000-04:002004-09-02T03:07:10.440-04:00אונס רחמנא פטריה<div style="text-align: justify;" dir="rtl">פארהאן דריי מדרגות אין חטאים:
<br />
<br />די אידן וואס ווייסן אז בשעת זיי זינדיגען שטייט גאט איבער זיי און זעהט אלעס און דאך זינדיגען זיי, זיי זענען מזידים, פון די וואס באקומען דעם ערגסטען שטראף - אקעי, מ'האט א יצר הרע, אבער ווי איך האב געהערט העלפט נישט דעם תירוץ ביים רויטן מלאך.
<br />
<br />אז איינער איז א שוגג קומט איהם נישט א גרויסן עונש, ער האט עס דאך נישט געמיינט צו טוהן, אבער עפעס איין עונש געט איהם די תורה, ווייל סוף כל סוף קען מען עס אנלייגן אויף זיין פארנאכלעסיגקייט. ס'עט אלס זיין דער וואס וועט דרייען ביי זיין קליין בערדל מיט איין האנט און מסביר זיין מיט די אנדערע האנט פארוואס ביי איהם וואלט עס נישט פאסירט. ער האט געזאלט קוקען וואו ער גייט.
<br />
<br />אן אונס קומט בכלל נישט קיין עונש, ס'איז נישט אינטער זיין קאנטראל, ס'איז כאילו ער האט עס נישט געטוהן. ווען דער קליין-באבערדעלטער איז אין זיין פלאץ וואלט פאסירט די זעלבע זאך.
<br />
<br />אילמלי ס'עט פאסירן דאס אוממעגליכע און גאט וועט מיר שטעלן צו משפט וועל איך ארויסגיין זכאי - איך האב נישט געגלייבט אז ס'איז טאקע דא א גאט און מען קען מיר נישט באשולדיגען פארוואס איך האב געזינדיגט. איך קען נישט טוישן וואס איך גלייב און מען קען מיר נישט באשולדיגען פארוואס איך האב נישט געגלייבט.
<br />
<br />נמצא אז איך בין א פולשטענדיגער אונס, און מ'עט מיר בכלל נישט שטראפען. ווען איך גלייב אין גאט וואלט איך געזאגט אז ער האט מיר געמאכט אן אפיקורוס ווייל ער האט מיך ליב, ער וויל איך זאל האבן ביידע וועלטען.
<br />
<br /></div><div class="blogger-post-footer"><img width='1' height='1' src='https://blogger.googleusercontent.com/tracker/7944698-109410883044131005?l=apikoros.blogspot.com' alt='' /></div>אחרhttp://www.blogger.com/profile/03769250495445625443noreply@blogger.com6tag:blogger.com,1999:blog-7944698.post-1093885491946602212004-08-30T14:20:00.000-04:002004-09-02T22:54:42.040-04:00דעמאקראטיע אין פראנקרייך<div style="text-align: justify;" dir="rtl">צום נייעם שול יאהר אין פראנקרייך גייט אריין אין קראפט דעם געזעץ אז קינדער טארן נישט קומען אין שטאטישע שולעס אנגעטוהן מיט רעליגעזע משוגעת'ען. דאס צייגט ווי פראנקרייך איז א שטאפל מער פארגעשריטן ווי אמעריקע.
<br />
<br />דאס קינד אין פראנקרייך וויל נישט גיין אין שול מיט א שמאטע אויפן קאפ, אירע עלטערען פארלאנגען עס. אירע עלטערען ווילן נישט זי זאל דארפען גיין און שול מיט א שמאטע אויפן קאפ, די קהילה פארלאנגט עס. אין די קהילה איז דא זייער אסאך מענטשען וואס ווילן נהנה זיין פון די דעמאקראטיע אבער זיי מיזן לעבן אין א פחד ווייל זיי זענען געבוירן געווארן צו מוסלומענער. דא קומט די מלכות של חסד און מאכט דאס א געזעץ - יא, זיי ניצן דיקטאטורישאפט צו פארזיכערען דעמאקראטיע, אז נישט וועלן די אנדערע ניצן דעמאקראטיע צו פארזיכערען דיקטאטורישאפט.
<br />
<br />די דעמאקראטיע אין אמעריקע ערלויבט דאס בליען פון דיקטאטורישאפטן מיט אין די דעמאקראטיע. מען ערלויבט מענטשען צו עפענען אייגענע שולעס אין אריינבאקן דארט אין די קינדער שטותים והבלים שקרים וכזבים אז זיי זאלן אויפוואקסן מיט א פחד אן א מפחד און זיי זאלן טוהן אלעס וואס מ'הייסט זיי. עס איז נישט לעגאל פאר א דאקטער זיך אויסצו'דמיונ'ען זיינע אייגענע רפואות און זיך נעמען פראקטיצירן, אבער ס'לעגאל צו פאנטאזירן ווי אזוי די וועלט ארבעט און דאס איינרעדען קינדער פאר צוואנציג יאהר און אזוי אפעקטען זייער גאנצע לעבן. דאס האט מען אפילו אין אונגארען פאר זיבעציג יאהר צוריק פארשטאנען און אויף סעקולארע ידיעות האט מען געמוזט גיין און שטאטישע שולעס.
<br />
<br />בוש וועט גיין מיט אן ארמיי צו די אנדערע עק וועלט צווינגען מענטשן צו דעמאקראטיע. אין אפגאניסטאן איז יעצט אימלעגאל פאר א פרוי צו גיין מיט אויפגעדעקטע האר. די אפיציעלע רעליגיע דארט איז איסלאם. ביי זיך אין לאנד וועט ער פרובירן איבער צושרייבן דעם קאנסטיטוציע צו זיין מער קאטויליש. אונז האמיר א פרעזידענט וואס איז אדער היבש צומישט, אדער צומישט ער דאס פאלק פאר זיינע אייגענע אינטערעסן.
<br />
<br />די פראנצויזן זענען אביסל מאר באזעצן, זיי ווייסן וואס זיי ווילן, זיי ווייסן וואס מיינט דעמאקראטיע, און זיי ווייסן אז אפילו ס'קען זיי קאסטן דאס לעבן פון צוויי געפאנגענע דזשורנאליסטן, וועט אבער קאסטן אסאך מער אויב רעליגיעזע פונדימענטעליזם נעמט איבער דאס וועלט.
<br />
<br /></div><div class="blogger-post-footer"><img width='1' height='1' src='https://blogger.googleusercontent.com/tracker/7944698-109388549194660221?l=apikoros.blogspot.com' alt='' /></div>אחרhttp://www.blogger.com/profile/03769250495445625443noreply@blogger.com5tag:blogger.com,1999:blog-7944698.post-1093332227704408862004-08-29T18:39:00.000-04:002004-08-29T18:36:56.483-04:00תיקו (סיי. פי.)<div style="text-align: justify;" dir="rtl">סעפטעמבער 29 2239 למספרם:
<br />
<br />אין די לעצטע פאר חדשים רודערט זיך ביים היימישען עולם. יעדער איז פארנומען מיט תשובה, מ'בעט זיך איבער, אפילו רבנים האבן שלום געמאכט, יעדער זוכט מצוות. ס'האט זיך גע'עפנ'ט צענדליגע מצוה גמח'ען - פאר ווער ס'האט ליידער ווייניג. אז מ'וויל אריינכאפן נאך אן אמן לויפט מען צום אמן גמח און א וואלונטיר וועט מאכן א ברכה און עפעס איבערבייסן. די צדקה גמח ארבעט אויף א סיסטעם - עשירים גייען אהין און זיי געבן זייער גאנצע פארמעגן פאר די ארימעלייט וואס זיצן דארט, זיי ווערן אליין ארימעלייט און זעצן זיך אויך אראפ, די ארימעלייט וואס זענען יעצט רייך געווארן שטעלן זיך צוריק אויף און פארטיילען זייער גאנצע פארמעגן אויף צדקה, אזוי לויפט עס פיר און צוואנציג שעה זעקס טעג א וואך. אידן פארן ארום א גאנצע טאג זוכן אויב איינער ווארט נישט ערגעץ אויף א היטש, אנדערע שטעלן זיך סתם ארויס היטשן - וואס הייסט? מזכה זיין א איד מיט א מצווה! ווען מ'קען זאגט מען תהלים פון אינעווענדיג, אויסענווענדיג האלט מען אין איין זאגן משנה'ס וואס מ'האט זיך איינגע'חזר'ט, נישט חלילה קיין פסוקים - ווער זוכט זיך עבירות אין אזא צייט? יעדער רישט זיך פארן גרויסען טאג.
<br />
<br />ס'געווען אפילו א באריכט אין די גוי'אישע נייעס איבער די אידישע וויי. סיקס. קעי. די אידישע שקצים, די וואס גלייבן אין גאט און האבן דאך אפגעטוהן די ערגסטע עבירות, האבן זיך אויסגעגראבן נוקלעארע בונקערס - משיח וועט זיכער נישט ניצן קיין אטאמישע וואפן, כל שכן ערגערס. דרשנים האבן אין דעם אריינגעטייטשט וירדו חיים שאולה.
<br />
<br />אז ס'געקומען ר"ח אלול, זענען אפילו די אשכנזים אויפגעשטאנען צו סליחות, יעדן טאג, באשמורת הבוקר. די וואך פאר ראש השנה האבן די כפרה צענטערן אויפגע'עפנט. זיי האבן רעקלאמירט: "נעקסטע וואך וועט שוין זיין נאכן יום הדין, ווען ווילט איר טראנספערען אייערע עבירות? נאכדעם וואס מ'האט אייך שוין דן געווען אויף לעולם ועד? לאזט אונזערע הינדלעך האלטן אייער עבירות אין יענעם טאג!". איבער דעם השגה זענען אסאך אידן געגאנגען תשליך אויך.
<br />
<br />ערב ראש השנה האט מען אכטונג געגבן צו זאגן קלאר יעדעס ווארט ביי התרת נדרים אפילו מ'האט זיך אביסל געשעמט מיט די עברי - וואס פאר א פארגלייך איז דאס צו די בושה פון א זילבערנע חופה לעולם ועד? אויף נאכמיטאג איז יעדער געווען אויפגעלייגט - און ארץ ישראל איז שוין נאכט, משיח איז שוין אוודאי דארט. מ'האט געלאזט א מעסעדש ביי די מומע רבקה אז די פרידמאן זיידע וואס איז געליגען פאר פיר און דרייסיג יאהר אין הר המנוחות און זיכער שטייט ער איין ביי רבקה זאל קענען הערן לשנה טובה פון די אייניקלעך. יעדע ערליכע איד האט זיך איינגעהאלטן פון ארויפצוגיין אויפן טריפה'נעם אינטערנט און א קוק טוהן אויפן כותל המערבי וועבקעם, תמים תהי' אם ד' אלוקיך.
<br />
<br />א שעה פארן זמן איז שוין יעדער געווען און שול בבגדי שבת מיט די מחזורים. ס'געווען שטיל, יעדער האט געקוקט פאר זיך אין מחזור, דער אין די תורות אין דער אין די משלים. ווען די רב איז אריינגעקומען און צוגעגאנגען צו די לעצטע מנחה, האט מען זיך געשטעלט דאווענען מיט אזא התלהבות, אז זייט ר' חייא און זיינע קינדער איז נאך א דאווענען נישט ארויף אזוי הויך.
<br />
<br />נאך מנחה, ס'געבליבן נאך געציילטע מינוטען צום יאהר, און מען האט גענומען זאגן אחות קטנה. א איד וואס האט דעמאלטס געזאגט די ווערטער חזקו וגילו כי שוד גמר, לצור הוחילו בריתו שמר לכם, ותעלו לציון... און געקוקט אין טייטש צו מאכן זיכער, האט געזעהן ווי פאסיג די ווערטער זענען צום מינוט. ער האט געגלוסט צו ווייזן זיין שכן, אבער זיין שכן האט אויסגעקוקט צו ערענסט פאר ווערטלען. ווען ער האט געהערט איינעם עטליכע שורות הונטער איהם העכערען דעם טאן ביי ותעלו לציון! האט ער פארשטאנען אז יענער האט אויך געכאפט. און ווען ער האט געהערט א צווייטן פון די אנדערע זייט שול נאך העכער זאגן ותעלו לציון! האט ער פארשטאנען אז יעדער האט געכאפט. און כאטש ער האט עס שוין געהאט געזאגט איינמאל שטיל, האט ער נאכאמאל הויך אויסגערופן ותעלו לציון! דערנאך האט די גאנצע עולם אויף איינמאל אויסגעשריגן תחל שנה וברכותיה!
<br />
<br />די עולם איז געזעצן און געקוקט פון מחזור צום זייגער און צוריק, פון צייט צו צייט האט מען געווארפן א בליק צום שכן אויפן וועג צום מחזור. די מינוטן ריקן זיך. אין וויזשניץ איז שוין די וועלט זעקס טויזענט יאר אלט, משיח איז זיכער געגאנגען צו זיי ערשט. נערנים וואס אונז זעמער געווען צו נעמען א שפעטערע זמן. ס'איז שוין געקומען די זמן לויט ר"ת אויך, אפשר ווארט משיח אויף זעקס און ניינצוג? די רב זאגט אז קודם זאל מען זיך שטעלן דאווענען מעריב, ס'עט נישט שאטן נאך א מצווה. די עולם האט געדאווענט מעריב מיט געמישטע געפילן. אידן וואס האבן שוין נישט ארויסגעקוקט פון שמו"ע פאר חדשים האבן געבליקט צום זייגער. מ'האט גע'ענדיגט דאווענען איז די רב ארויף צום בימה. "אין בן דוד בא", האט ער אנגעהויבן, "לא בערבי שבתות ולא בערבי ימים טובים, ער וויל נישט צושטערן אונזער יו"ט, ער וועט אוודאי קומען מארגן, דאס האט דאך אוודאי געמיינט די פסוק והי' ביום ההוא יתקע בשופר גדול, ער וויל אונז זאל מיר מענג זיין דעם טאג ווי ס'דארף צו זיין און עסן די סעודה בשלוה, שובו לכם לאהליכם ואכלו בשמחה לחמיכם, האטס מיר אלע א גוטן יום טוב און א גוט געבענטשט יאהר". "גוט יאנטעוו!" "גוט יאנטעוו!" האט אויסגעהילכט און בית מדרש און יעדער האט זיך גענומען בשמחה צו די לשנה טובה'ס.
<br />
<br />אהיימגעקומען, האט מען געלעקט האניג און געשמועסט מיט די פאמיליע, דאס איז א טאג פון פלעזשור געגעבן געווארן צו אונז דורכ'ן מלך המשיח. מ'האט פארצויגען ביז שפעט מיט תענוגים ווי משיח וויל. אויפן נעקסטן טאג איז מען געקומען אין שול ווי א געווענליכע ר"ה. א גאנצע טאג האט געקיצלט אין די געדערים, עני מינוט קען ער אריינוואקן. ביי תקועת שופר האבן מענטשן ארויסגעקוקט פון פענסטער - אפשר ווארט משיח אויף דעם סענטימענטאלע מינוט אריינצוקומען ביים תקיעה גדולה - מ'האט געזען א ליבליך פאר-פאלק און זיך שנעל צוריקגעדרייט. נאכן דאווענען, מ'האט שוין געמעגט רעדן, אבער קיינער האט נישט געהאט וואס צו זאגן, מ'איז אהיימגעגאנגען שטילערהייט.
<br />
<br />אויפדערנאכט אין שול, אז ס'געקומען די זמן האבן אלע אויגן זיך געקערט צו מזרח. די רב דרייט זיך אויס און זאגט עפעס צו די מענטשן ארום איהם, זיי שאקעלען מיט די קאפ און דרייען זיך אויס איבערזאגן פאר די שכנים. ביז אפאר מינוט האט מען איבערן גאנצען ביהמ"ד געזעהן פנים'ער אויפלייכטן מיט פארשטאנד און קעפ זיך שאקעלען, און מ'האט געהערט די ווערטער יא, טאקע, פשוט, יומא ארוכתא! דערנאך האט מען געהערט דעם געזאנג פון ברכו.
<br />
<br />דעם צווייטן טאג נאך מנחה איז די רב געזעצן מיט אן עירובין גמרא. עטליכע אינגעלייט נעבן ספרים שאנק האבן אויך ארויסגענומען עירובין גמרא'ס, געמישט אהער און אהין. פינף מינוט פארן זמן איז די רב ארויף צום ארון קודש, די גבאי האט צוגעטראגן דעם עמוד מיט די גמרא. "בעי רב חנניא" האט ער אנגעהויבן. "יש תחומין למעלה מעשרה או אין תחומין למעלה מעשרה. צו זאג איך אז דער דין פון תחום שבת גייט אן אפילו העכער פון צען טפחים צו זאג איך אז ס'גייט נישט אן העכער צען טפחים. אויב האלט איך יש תחומין למעלה מעשרה קומט אויס אז אליהו קען נישט קומען אין יום טוב ווייל די הימל איז ווייטער פון א תחום שבת. ווידער אויב האלט איך אין תחומין למעלה מעשרה קען אליהו יא קומען ווייל ער קומט דאך פון העכער צען טפחים. און די גמרא פרובירט אויפצודרינגען פון פארשידענע פלעצער און ס'בלייבט אן איבעיא. בימינו אלה און אונזערע צייטן כאטש אונז האמיר נאך נישט זוכה געווען צו משיח ממש, איז אבער א בחינה פון עם שוין דא! ווייל היינט גיימער אונז זוכה זיין צום תשבי יתרץ קושיות ואיבעיות! אין די נעקסטע פינעף מינוט גייט תשבי פסק'ענען פאר אונז צו ער האלט יש תחומין למעלה מעשרה צו אין תחומין למעלה מעשרה. אויב גייט ער נאך קומען היינט וועלן מיר וויסן אז ער האלט אין! תחומין למעלה מעשרה פאר דעם האט ער געקענט קומען. אויב גייט ער נישט קומען היינט וועלן מיר וויסן אז ער האלט" - און דא האט שוין די גאנצע עולם מיט געזונגען "יש! תחומין". און די רב האט פארגעזעצט "למעלה מעשרה טפחים. פאר דעם האט ער נישט געקענט קומען היינט." די רב האט געטרונקען אביסל פון די וואסער וואס די שמש האט צוגעברענגט און פארגעזעצט "אויב קען ער נישט קומען היינט וועט ער אוודאי קומען מארגן - מארגן איז דאך די טאג וואס די גלות איז געשען ווען מ'האט גע'הרג'עט גדליה בן אחיקם. איך בין זיכער אז משיח וואס האט אונז ליעב האט געוואלט קומען אין א תענית אז אונז זאל מיר זיין ריין צום יום הדין. דאס וועט אונז געבן די געלעגענהייט פאר מער תשובה. אזוי צי אזוי אין די נעקסטער מעת לעת גייען מיר געהאלפן ווערן מיטן אייבערשטענס הילף. און די אייבערשטער זאל אוודאי העלפן אונז זאל מיר זוכה זיין אקעגן צו גיין דעם גואל צדק במהרה בשעותינו אמן." די גאנצע עולם האט אויסגעשריגען "אמן!" אויף די העכסטע טענער, וויסענדיג אז ווי העכער מ'שרייט אלס בעסער הערט גאט, אזוי ווי אין פסוק שטייט זעקת סדום ועמורה כי רבה. די עולם האט זיך געשפירט זייער דערהויבן אז מ'איז זוכה צו וואס תנאים האבן נישט זוכה געווען, און געווארט מיט געדולד צו זעהן וואס אליהו גייט פסק'ענען.
<br />ער האט גע'פסק'ענט "יש".
<br />
<br />צום גדליה נאכמיטאג איז די בית המדרש געווען פול מיט אידן זאגן תהילים. גאט האט געשוואוירן אז די שלש עשרה מידות גייט ער נישט אימקערען ליידיג, אבער היינט ביי ויחל האבן די אידן געוואוסט גייט ער טאקע אויסהערען. פארוואס זאל ער זיך רעגן אויף זיין פאלק וואס ער האט ארויסגעצויגן פון מצרים? ער האט דאך געשוואוירען פאר די עלטערען אז די קינדער וועלן ארבטיילען דאס לאנד אויף אייביג. אזוי האבן זיי געליינט צו גאט פון זיין תורה כדי איהם צו בארוהיגען.
<br />
<br />נאך מנחה איז די רב צוריק ארויף צו די בימה. "איך וועל נישט לאנג מאריך זיין - די עולם פאסט. ס'דא א מחלוקת צו בתשרי נברא העולם צו בניסן נברא העולם. אויב האלט איך בניסן נברא העולם קומט אויס אז ס'נאך נישט קיין זעקס טויזענט יאהר זייט די וועלט שטייט. אינטערעסאנט איז אז די מאן דאמר בניסן נברא העולם האלט אויך בניסן נגאלו ובניסן עתידין ליגאל. אונז גיימיר יעצט זעהן ווי וועלעכע מאן דאמר משיח האלט. אויב גייט מען זעהן אז ער קומט נישט היינט וועט מען וויסן אז ער האלט בניסן נברא העולם. איז אז ער וועט קומען אין ניסן, דאס וועט אונז געבן מער צייט צו תשובה און צו אריינכאפן נאך מצוות. פארשטייט זיך אוודאי אז ער קען נאך אלס קומען יעדן טאג - אחכה לו בכל יום שיבא גייט נאך אלץ אהן. אבער שפעצטענס וועט ער קומען אויף פסח. איז לאמער זעהן וואס ער גייט יעצט פסק'ענען." די רב איז צוריק געגאנגען צו זיין פלאץ און די עולם האט זיך געזעצט ווארטן אויף משיח'ס פסק.
<br />ער האט גע'פסק'ענט בניסן.
<br />
<br />די עולם האט זיך געפילט אביסל ווי מוצאי יום כיפור - מ'אטעהמט אפ פון ערענסטקייט און מ'איז הונגעריק. אבער פון די אנדערע זייט איז מען עטליכע טעג פאר א יום כיפור און עטליכע חדשים פאר די גרעסטע טאג. אפילו די רב האט געזאגט אז משיח קען קומען יעדען טאג, האט אבער יעדער ביי זיך פארשטאנען אז ער וועט נישט קומען אין סתם א ביזנעס טאג, ער וועט ווארטן אויף די "ניסן עתידין להיגאל". די אידישע שקצים זענען ארויפגעקומען שעפן אביסל פרישע לופט.
<br />
<br />די כפרה צענטערען האבן זיך צוריק גע'עפנ'ט אין די עשרת ימי תשובה אזוי ווי די מנהג ישראל איז, און מ'איז איבערגעגאנגען תשליך אזוי ווי יעדעס יאהר.
<br />
<br />אידן האבן זיך געפרייט אז מ'האט מער צייט צו מצוות, און מ'האט ווידער גענומען זיך גרייטן פאר'ן גרויסען טאג. איבעראל האט מען אנגעהויבן לערנען הלכות קרבן פסח. מ'האט אויסגעארבעט פונקטליך וויאזוי מ'עט קענען זויגן די מארעך אן צוברעכן די ביינער. און יעדער האט זיך צאמגעציילט מיט א חבורה.
<br />
<br />א וואך פאר פסח האבן זיך די כפרה צענטערן ווידער גע'עפנ'ט - ס'קומט דאך א יום הדין. דאס מאל האבן זיי געברענגט א טראק מיט קעלבלעך אויך - פאר ווער ס'וויל האבן פאר'ן קרבן פסח. ס'האט זיך שנעל אויספארקויפט אין זיי האבן געדארפט באשטעלן נאך עטליכע טראקס.
<br />
<br />ביים סדר זענען די קינדער געווען זייער וואויל. און ווען ס'געקומען צו שפוך חמתך איז יעדער געלאפן צום טיר. ווען מ'האט ארויסגעקוקט צו די פינסטערניש און נישט געזען קיין זכר פון א ווייסן האר, האט מען געקוקט אויף די אנדערע פנים'ער צו ליינען אויב זיי זעהן יא. ווען מ'האט געזעהן די בלעזלעך צופאלן אין די כוס של אליהו, האבן אפילו די דערוואקסענע געטראכט צוויי מאל צו דאס איז נישט געשען דורך אליהו הנביא'ס שנאץ. פארן גיין שלאפען האט מען געלאזט אפן די טיר - אפשר וועט ער נאך באלד אנקומען.
<br />
<br />בייטאג זענען זיי נישט געווען זיכער וואס משיח האלט איבער "יש תחומין" ווייל אפשר האלט ער "אין תחומין" אין ער איז נישט געקומען ר"ה וועגן "בניסן נברא", האט מען נאכאמאל געווארט וואס אליהו וועט פסק'ענען איבער תחומין.
<br />ער האט זיך נישט אוועק גערירט פון זיין ערשטען פסק.
<br />
<br />דעם ערשטען טאג חוה"מ, קיינער וויל נישט משיח זאל איהם טרעפען אויף א פעריס רעדל, האט זיך יעדער געפונען אין ביהמ"ד. מ'האט זיך ארומגעדרייט, געשמועסט, אסאך אירע האבן געהאלטן א ספר אפן אז ווען משיח קומט אריין זאל מען שנעל קענען אריינקוקען אין א ספר.
<br />
<br />פאר מעריב, איז די רב'ס דרשה איז געגאנגען עפעס אזוי, "ס'דא א מחלוקת צי יום אחד בשנה חשוב שנה, צי איין טאג און יאהר ווערט גערעכנט אזוי ווי א יאהר. אויב איך האלט אז א חלק פון די יאהר ווערט נישט גערעכנט ווי א יאהר, קומט אויס אז ס'נאך נישט קיין גאנצע זעקס טויזענט יאהר זייט די וועלט שטייט, ווייל אונז זעמיר יעצט אין די זעקס טויזענטע יאהר און גאנצע זעקס טויזענט גייט הערשט ווערן ווען דאס יאהר ענדיגט זיך. אונז 'על מיר ווארטן וואס תשבי וועט פסק'ענען - און אז ער האלט יום אחד בשנה אין חשוב כשנה, נו, דאס ווער אונז דאך געבן מער צייט אריינצוכאפן נאך מצוות - אגב, פארלאנגט זיך צו פאררעכטען דעם דאך פון בית מדרש, דעס וועט געבן דעם געלעגענהייט פאר יעדעם אריינצוכאפן נאך מצוות. די גבאים וועלן ארומגיין נעמען די נדבות." די גבאים זענען ארומגעגאנגען, און די עולם, וואס האט נישט געוואלט פליען אויף ארץ ישראל מיט א לעכעריגען דאך, האט זיך שיין משתתף געווען.
<br />
<br />ווען ס'געקומען נאכט האט תשבי גע'פסק'ענט אין חשוב כשנה. יעצט איז מען געווען צוריק אויפן זעלבן פלאץ ווי פאר א יאהר אין אזא צייט, כאטש אביסל מער עקספיריענסד אין תשובה.
<br />
<br />אפריל 1 2240 למספרם:
<br />
<br />אידישע קינדער חזר'ן איבער ראש-השנה'ס זיבעציג מאהל אן מיד ווערן, און אונזערע אייניקלעך האבן איבער גע'חזר'ט די לעצטע-ראש-השנה צום צווייטן מאהל נישט צו פיהל אנדערש פון דאס ערשטע מאהל. נאכאמאל האבן זיי געווארט וואס תשבי וועט פסק'ענען אין די סוגיא פון יש תחומין, נאכאמאל האבן זיי געווארט וואס ער וועט פסק'ענען אין די סוגיא פון בתשרי נברא העולם, נאכאמאל האבן זיי געשלאגען כפרות א וואך פאר פסח, און נאכאמאל האבן זיי געווארט וואס ער ווער איבער'פסק'ענען אין די סוגיא פון יש תחומין. אליהו האט זיך געהאלטן ביי זיין אלטען פסק.
<br />
<br />די רב שוין געהאט געמאלדן ביים שבת הגדול דרשה אז ער גייט האלטן א דרשה דעם ערשטען טאג חוה"מ פארנאכטס. די עולם וואס האט זיך סייווי ארומגעדרייט אין ביה"מ, האט איהם געזעהן צוריעפן א בחור'ל און איהם עפעס בעטן. די בחור'ל איז געגאנגען צום ספרים שאנק און אנגעהויבן זיכן עפעס ביי די שו"ת ספרים. ס'האט שנעל ארומגעוואקסן ארום איהם א דראנג מיט מענטשען. "וואס זוכסטי?" האט אן עלטערע איד זיך אנגערופן. אלע האבן זיך צוגעבויגן צום בחור'ל. "די רב האט געבעטן א תשובת חתם סופר יורה דעה" האט די בחור'ל גע'ענטפערט אביסל שטיל. אבער זייענדיג צוגעבויגן האבן אלע געהערט. ביז א צוויי סעקונדעס האט זיך דערהערט א "דא איז עס!" פון דריי מענטשן אויפאמאל. די בחור'ל האט עס צוגעטראגן צום רב.
<br />
<br />די רב האט זיך אויפגעשטעלט און אנגעהויבן, "אין די לעצטע תשובה פון חתם סופר אין יורה דעה, רעדט ער דארט ארום צו ס'דא י"ג עיקרים צו נאר דריי. זאגט ער דארט אז ער קען נישט גלייבן אז ביאת המשיח זאל זיין פון די עיקרים ווייל ס'דאך אלס דא די מעגליכקייט אז אונז וועל מיר זיך אזוי פארזינדיגען און גאט וועט אונז פארלאזען אויף אייביג, אזוי ווי ער האט איבערגעלאזט די עשרת השבטים לויט רבי עקיבה, דאס מיינט נאך נישט אז אונז מעגן משנה זיין אפילו קיצו של יוד אפילו דרבנן דאס אז אונז ווערן נישט אויסגעלייזט מיינט נאך נישט אז מ'מעג זינדיגען חלילה. אונזערע חטאים דארף קיינער נישט אויסרעכענען - וואס דארף מען מער אז א לעצטע סטאטיסטיק האט געוויזן אז ס'דא מער ווי פערצן טויזענט אידישע בלאגס, איז נישט קיין וואונדער אז משיח וויל נישט דא זיין ציווישן אונז. די חתם סופר האט געהאט א ווייטן בליק. ליידער האבן אונז נישט זוכה געווען צום גאולה. אבער דאס געט נישט קיין היתר פורק עול צו זיין חלילה. אידישע קינדער זענען ארויפגעגאנגען צו א העכערע מדריגה די לעצטע יאהר מיט די אלע מצוות. פאר אונז צו זינדיגען יעצט, איז סאך ערגער ווי פאר א איד פון הונדערט יאהר צוריק, ווען מ'פאלט פון א העכערע פלאץ איז ערגער. לאמיר ווייטער אנגיין מיטן עבדות השם אזוי ווי ביז היינט, און די אייבערשטער - ער איז כל יכול ער ווער אונז אוודאי העלפן, און ער קען אונז נאך אלס אייביג אויסלייזן. אזוי צי אזוי, אונז גיימער ווייטער אן מיט אידישקייט!"
<br />
<br />פאר א פאר סעקונדעס זענען אלע אויגן געבליבן פארגלאצט אויפן רב. דערנאך האט מען איינגעצויגן די ליפן, אריינגעצויגען א טיפען אטעם, א בליק געטוהן די אויגן צו די לינקע זייט, און שטייטעלעך ארויסגעבלאזן. יעדער האט זיך צושפרייט און אהיימגעגאנגען פלאנען וואו מ'גייט מארגן חוה"מ האלטן. נאך פסח איז יעדער צוריק אין דזשאב, און זיי האבן קיינמאל נישט געקענט מוחל זיין די בלאגערס וואס האבן אוועקגענומען זייערע גאלדענע חופות און צוויי יאהר פון זייער לעבן.
<br />
<br />
<br /></div><div class="blogger-post-footer"><img width='1' height='1' src='https://blogger.googleusercontent.com/tracker/7944698-109333222770440886?l=apikoros.blogspot.com' alt='' /></div>אחרhttp://www.blogger.com/profile/03769250495445625443noreply@blogger.com3tag:blogger.com,1999:blog-7944698.post-1093184724566412042004-08-24T10:24:00.000-04:002004-08-24T00:49:22.976-04:00רבנים<div style="text-align: justify;" dir="rtl">אונזערע חכמים האבן אונז געלערנט (אין ר"ה דף כ"ה), זאלסט נישט זאגן, "איי... אמאל אי'געווען צדיקים. ס'געווען א דור. היינטיגע צייטן, איז נישטא קיין אמת'ע צדיקים..." זאלסט נישט אזוי מיינען, ווייל וויסן זאלסטו אז ס'קיין שום אינטערשייד פון משה רבינו צו די מנהיגים פון דיין דור.
<br />
<br />דעם פינאמינאן פון פארגעטען טויטע איז געווען גוט באקאנט פאר זיי, און זייער דור האט מען אויך נאר געהאלטן פון די פריערדיגע צדיקים און נישט פון די היינטיגע, און אין משה רבינו'ס דור אויך.
<br />
<br />דאס זעהט מען נישט דווקה נאר אין רעליגיעס, אין סעקולארע היסטאריע ווערן אויך די העלדן מער לעגענדאריש וואס א דור עלטער זיי ווערן. די סיבה איז פשוט, ווייל ווען די מענטש לעבט קען מען זיין פערזענליכקייט און מ'ווייסט זיינע טעגליכע פעלערן. ווען ער שטארבט פארגעסט מען דערפון און מ'געדענקט נאר אן אבסטראקט פון איהם וואס אנבאלאנגט די מעשה אין ווי ער ווערט דערמאנט.
<br />
<br />איינער וואס האט געלעבט אין די צייטן פון משה רבינו, האט למשל געוואוסט צו זאגן אז ער האט ליב שווארצע פרויען, אז ער האט געפארעמט ביי אידן אן אריסטאקראטיע אז די אנדערע שבטים זאלן דינען זיין שבט, אז ס'איז געווען אינערליכע רייבערייען ציווישן די אריסטאקראטן, אז ווען זיין קעגנער איז ארויסגעקומען האלטן א ציוויליזירטע דעבאטע האט ער יענעם אראפגעווישט פון וועג אויף א מיסטעריעזן אופן - אינאיינעם מיט די מאסן וואס זענען ארויסגעקומען אויף א פרידליכע דעמאנסטראציע יענעם צו שטיצן ווייל ער האט זיי צוגעזאגט מער אייניגערע רעכטען, און נאך אסאך אנדערע זאכן וואס זענען נישט אלע דאקומאנטירט געווארן.
<br />
<br />אונזערע חכמים האבן דאס אלעס פארשטאנען, אז מ'מיינט אייביג אז אמאל איז געווען אנדערש, דעריבער האבן זיי געדענקט אונז צו מעלדן אז ס'איז געווען די זעלבע זאך.
<br /></div>
<br /><div class="blogger-post-footer"><img width='1' height='1' src='https://blogger.googleusercontent.com/tracker/7944698-109318472456641204?l=apikoros.blogspot.com' alt='' /></div>אחרhttp://www.blogger.com/profile/03769250495445625443noreply@blogger.com12tag:blogger.com,1999:blog-7944698.post-1092939580713531322004-08-23T11:30:00.000-04:002004-08-23T08:04:21.676-04:00פערציג יאהר אין מדבר<div style="text-align: justify;" dir="rtl">האלוצינאציעס פאסירן אפט צו מענטשן אין <a href="http://www.news.navy.mil/search/displaybbs.asp?bbs_id=885&cat=1">מדבריות.</a> די זון באקט, מ'פארלירט אסאך וואסער, מ'ווערט <a href="http://www.baptistonline.org/health/library/ment3147.asp">אויסגעטרוקענט</a>, און מ'פאנגט אן צו זעהן זאכן.
<br />
<br />אין די מדבריות נעבן מצרים, אוואו משה רבינו האט זיך געדרייט בשעת די אידן האבן געארבעט, האט מען געטראפן אויף די ווענט פון היילן מאלערייען אלט טויזענטער יאהרן, וואס צייגן די באנוץ פון די <a href="http://www.samorini.net/doc/sam/sah_int.htm">הלוצינירענדע שוועמליך</a> פאר רעליגיעזע עבודה.
<br />
<br />די גרעסטע ניסים אין די אידישע געשיכטע זענען פארגעקומען אין די פערציג יאר וואס אידישע קינדער האבן זיך געוואלגערט אין מדבר. זיי זענען געגאנגען טעג אן וואסער, ס'איז געשטארבן פון זיי אין די טויזענטער, און יעדן טאג האבן זיי געגעסן עפעס וואס זיי האבן נישט געוואוסט וואס דאס איז. מ'האט זיכער געמאכט אז קיינער זאל נישט נעמען <a href="http://www.shofar.net/e/site/ARDetile.asp?id=4493">צו ווייניג</a> אדער צו סאך, יעדער האט גענומען לויט זיין וואג, און קיינער האט נישט געטארט נעמען מער ווי איין עומר. די "צויבער שוועמליך" קענען זיין <a href="http://www.magic-mushrooms.net/dangers.html">זייער שעדליך</a> ווען ס'איז פארפוילט, און משה רבינו האט זיך גערעגט ווען מענטשן האבן עס געלאזט פארפוילט ווערן. פרייטיג האט ער זיי עס געהייסן <a href="http://www.magic-mushrooms.net/conserving.html">קאכן</a> אין ס'נישט פארפוילט געווארן.
<br />
<br />די מן האט געברענגט א קדושה אין זייער גוף אין זיי ערלויבט צו זעהן דעם הגלת פנים. נאך צוויי וואכן אויפן מן זענען זיי געווען גרייט צוציגיין צו קבלת התורה.
<br />
<br /></div><div class="blogger-post-footer"><img width='1' height='1' src='https://blogger.googleusercontent.com/tracker/7944698-109293958071353132?l=apikoros.blogspot.com' alt='' /></div>אחרhttp://www.blogger.com/profile/03769250495445625443noreply@blogger.com1tag:blogger.com,1999:blog-7944698.post-1093018538476883132004-08-20T11:57:00.000-04:002004-08-21T07:35:37.666-04:00ס'ממש א שאד<div style="text-align: justify;" dir="rtl">פארוואס האט אברהם אבינו געדארפט צוברעכן אלע געטשקעס? פיין, ער האט נישט געגלייבט אין עס, סאו פאהר אוועק קיין כנען און לאז די כשדיים לעבן וויאזוי זיי ווילן. וואס איז איהם אנגעגאנגען אז די כשדיים ביקן זיך צו געטער? ער האט געוואוסט אז ס'וועט זיי באליידיגען און זייער אויפרעגן, אז זיי וועלן איהם וועלן הרג'ענען, גאט האט איהם נישט געהייסן ער זאל עס טוהן, וואס האט ער זיך געזוכט צרות? און זיי זענען געווען אזעלעכע שיינע שטיקער ארט. ס'איז אריינגעגאנגען אזויפיל ארבעט דערין. ס'האט אפגעקאסט זיין טאטע א הון רב. איך פארשטיי נישט פארוואס ער האט זיי געדארפט צוברעכן.
<br />
<br /></div><div class="blogger-post-footer"><img width='1' height='1' src='https://blogger.googleusercontent.com/tracker/7944698-109301853847688313?l=apikoros.blogspot.com' alt='' /></div>אחרhttp://www.blogger.com/profile/03769250495445625443noreply@blogger.com2tag:blogger.com,1999:blog-7944698.post-1092924395696069582004-08-19T06:54:00.000-04:002004-08-19T20:41:26.516-04:00אחר קיצוץ בנטיעת<div style="text-align: right;" dir="rtl"> <div style="text-align: justify;">פיר תנאים האבן באזוכט אין הימל, זאגט די גמרא אין <a href="http://www.mechon-mamre.org/b/l/l2b02.htm">חגיגה</a> (דף יד:). בן עזאי איז געשטארבן, בן זומה איז אראפ פון זינען, אחר איז אראפ פון וועג, רבי עקיבה איז אראפגעקומען בשלום.
<br />
<br />די גמרא פארציילט אז ווען אחר איז ארויפגעקומען אין הימל האט ער געזעהן צוויי אירע זיצן. און אין זיין גמרא איז געשטאנען אז אויבן זיצט מען נישט. איז אדער איז זיין גמרא פאלש אדער איז דא צוויי געטער (וואס דעמאלטס איז אויך זיין גמרא פאלש). איז ער ארויס לתרבות רעה. ס'איז זייער שווער צו פארשטיין ווי אזוי א תנא וואס געווען אין הימל קען זינדיגן. אפילו ער האט א קשיא, אז ס'איז דא צוויי געטער דארף מען דאך מער מורא האבן.
<br />
<br />מ'קען עס אפשר פארענטפערן אזוי: ס'איז דא אן איבעיא ביי מתנגדים, צו די תלמידי בעל שם וואס האבן געהאט עליות נשמה האבן געוואוסט אז זיי זענען פאלש אדער זיי האבן אליין אויך געמיינט אז זיי פליען אין הימל. און די זעלבע זאך איז מיט נביאים אין אלע דורות וואס האבן געזען חזיונות. די פיינע וועג עס צו פארענטפערן, איז אז זיי זענען געווען ארענטליכע מענטשן נאר זיי האבן געליטן פון <a href="http://www.nlm.nih.gov/medlineplus/ency/article/003258.htm#Definition">האלוצינאציעס.</a>
<br />
<br />האלוצינאציעס קענען קומען פון פארשידענע קרענק אדער דורך דראגס. איינער וואס האלוצינירט קען הערן קולות וואס קיינער רעדט נישט אדער זעהן זאכן וואס עקסיסטירן נישט. די דראגס וואס זענען דאס גורם געפינען זיך נאטורליך אין געוויסע שוועמליך און פלאנצונגען. פארשידענע אלטע רעליגיעס האבן געהאלטן די שוועמליך זייער הייליג און עס גענוצט נאר פאר די <a href="http://www.erowid.org/plants/mushrooms/mushrooms_spirit.shtml">הייליגסטע פון די הייליגסטע</a> אויף צו באזוכען די אנדערע וועלט וואו גאט און די טויטע וואוינען.
<br />
<br />אחר איז געווען א חכם עצום. רבי מאיר איז איהם נאכגעגאנגען ווען ער האט געריטן אויף א פערד אום שבת כדי צו קענען לערנען פון איהם. ווען אחר איז ארויפגעקומען אין הימל און געזען אז עפעס שטימט נישט דא, האט ער גלייך געכאפט וואס דא גייט פאר, אז ער איז קיינמאל אין הימל נישט געווען, און נישט זיין רבי עקיבה, און נישט די נביאים, און נישט משה רבינו, ס'איז אלעס געווען העלוצינאציעס, איז ער ארויסגעגאנגן האקן א לעבן.
<br />
<br />די גמרא פארציילט נישט די דעטאלן וויאזוי זיי די תנאים זענען ארויף. רש"י זאגט אז די טעמע איז געווען פלאנצוגען, און תוס' זאגט אז זיי זענען נישט ממש ארויף נאר זיי האבן געמיינט אז זיי זענען ארויף. לויט אלע סימנים איז עס ווארשיינליך געווען דראגס. בן עזאי האט גענומען צו סאך און געשטארבן פון "אווערדאסידזש". בן זומה איז אדער געווארן "אדיקטעד" אדער "אפעקטעד". אחר האט געליטען פון בת-קולות פאר א שטיק צייט. רבי עקיבה האט געזאגט זיינע תלמידים אכטונג צו געבן נישט צו זאגן אויף גלאז אז ס'איז וואסער, א סימפטאם פון לייכטע האלוצינאציע.
<br /></div>
<br />
<br />
<br /></div><div class="blogger-post-footer"><img width='1' height='1' src='https://blogger.googleusercontent.com/tracker/7944698-109292439569606958?l=apikoros.blogspot.com' alt='' /></div>אחרhttp://www.blogger.com/profile/03769250495445625443noreply@blogger.com12tag:blogger.com,1999:blog-7944698.post-1092802178347419862004-08-18T11:36:00.000-04:002004-08-18T08:43:50.953-04:00אפיקורוס<div style="text-align: justify;" dir="rtl">אפיקורוס איז געווען א גריכישע פיליזאף אין די צייטן פון בית שני, ארום דריי הונדערט יאר פאר'ן בבלי. ער האט געגלייבט אין אטאמישן טעאריע און געלייקנט אין רוחניות. ער האט געהאלטן אז די עיקר ציל אין לעבן איז צו דערגרייכן וואס מער תענוג אויף דע וועלט. און אז א גרויסע שטער פאר דעם ציל איז די פחד פון געטער און יענע-וועלטן.
<br />
<br />אין זיין דור איז גענצליכע גאטלאזיקייט געווען זייער ארויסגעווארפן, האט ער געלערנט זיינע תלמידים אז פאר די געטער אינטערעסירט נישט אונזער וועלט און זענען ניטאמאל באקאנט מיט איר.
<br />
<br />פארשידענע תאוות, האט ער געלערנט, ברענגן נישט קיין תענוג. ווי צום ביישפול די תאווה צו האבן מער געלט. דאס איז נישט מעגליך צו זעטיגן ווייל אלס קען מען האבן מער. קומט אויס אז ס'ברענגט נאר עגמת נפש. אזוינע תאוות איז בעסער נישט צו האבן.
<br />
<br />הוא היה אומר, גיטע מדות ברענגט צופרידנהייט.
<br />
<br />בין אדם לחבירו, האט ער אויסגעלערנט, איז זייער וויכטיג נישט וויי צו טון אנדערע, און העלפן מענטשן. דורך חברותא קען מען צוקומען צו די גרעסטע תענוגים.
<br />
<br />על טויט אמר, ווען משטארבט איז מען טויט, א הויפן כעמיקאלן, אן שכל, אן געפילן, סאו כאפ אריין אויף דע וועלט.
<br />
<br />איבער די דורות זענען געווען אסאך קהילות אפיקורסים וואס זענען געגאנגען אין זיין דרך און געליגען אין תענוגי עוה"ז.
<br />
<br />צו ליינען מער איבער דאס לעבן און שאפן פון אפיקורוס און זיינע תורות, <a href="http://www.utm.edu/research/iep/e/epicur.htm">איז דאס א גוטע זייטל</a> אדער <a href="http://www.google.com/search?hl=yi&ie=UTF-8&q=Epicurus&btnG=%D7%96%D7%95%D7%9B%D7%9F+%D7%9E%D7%99%D7%98+Google">גאגל Epicurus</a></div>
<br /><div class="blogger-post-footer"><img width='1' height='1' src='https://blogger.googleusercontent.com/tracker/7944698-109280217834741986?l=apikoros.blogspot.com' alt='' /></div>אחרhttp://www.blogger.com/profile/03769250495445625443noreply@blogger.com3tag:blogger.com,1999:blog-7944698.post-1092787799450425312004-08-17T19:06:00.000-04:002004-08-18T04:57:11.903-04:00מעשה קוף בעלמא (פיקטיוו) <div style="text-align: justify;" dir="rtl">און א וואלד און אפריקע האט געבליהט א קהילה פון אינטערעסאנטע מאלפעס. עטוואס גראדער אין שטאנד און מיט פארגרעסערטע מוחות. זיי האבן אנגעהויבן קלערן מער פארצווייגטע רעיונת, זיך געלערנט צונדען פייער און שארפען שפיזן, און ארומקוקען מיט זין אויף די וועלט ארום זיי. זיי האבן באמערקט אז זיי זענען קלוגער פון אנדערע מאלפעס. מיט זייער פרישן פארשטאנד האבן זיי גענישטערט "פארוואס?". זיי האבן שוין געוויסט אז עסן קען אפעקטירן א מאלפע - די זאפט פון טרויבן מאכט לעבעדיג און געוויסע פלאנצונגען מאכט טויט. איז אז אין איין וואלד זענען מאלפעס קלוגער, זיכער איז עס די ביימער פון דעיע וואלד וואס שענקען דעת.
<br />
<br />זיי האבן אנגעהויבן זאמלען וויסענשאפט און פילאזאפירן. וויבאלד 100% פון די וואס האבן גע'ענטפערט אויף זייער אנקעטע האבן מודה געווען אז זיי האבן געפילן און אלעס וואס זיי טוען איז כדי צוציקומען צו זעטן א געפיל. פון דעם האבן זיי געמאכט א כלל אז אלעס וואס עקזיסטירט האט געפילן און טוט זאכן נאר פאר א סיבה. דער פייער גלוסט צום הימל, די שטויב גלוסט צום ערד, א.א.וו. קומט אויס אז אלעס וואס געשענט איז פאר א סיבה - ערגעץ ווי האט איינער געגלוסט ס'זאל פאסירן. פרעגט זיך די קשיא "ווער האט געגלוסט אז זיי זאלן באשאפן ווערן?". זענען זיי אויפגעקומען מיט פארשידענע טעאריעס וויאזוי ס'איז פארגעקומען.
<br />
<br />די אלע טעאריעס האבן זיי דערציילט זייערע קינדער. די קינדער האבן עס פארברייטערט, אויסגעבעסערט, און אראפגעשיקט ווייטער. יעדע דור האט צוגעלייגט פאקטן. דרשנים אויף בר-מצוות האבן אויפגעטראפן גענוי וואס די פרויען און יענע וואלד האבן אינזין געהאט בשעת'ן עסן און עס זייער שיין אריינגעטייטשט. ווי לענגער דער דורש איז געווען טויט אלס מער קראנטער איז געווארן זיין דרוש.
<br />
<br />מיט די צייט האבן זיי זיך אנגעהויבן אוועקצוציען פון אפריקע, קודם צו מזרח זייט אויף צו בויען דעם "פרייהייט טורם". דערנאך האבן זיי זיך אויסגעשפרייט אויף די גאנצע וועלט. זיי האבן געהאלטן און איין שטייגן אין טעכנאלאגיע ביז זיי האבן געגרינדעט א ישוב אויפ'ן מאדים.
<br />
<br /></div><div class="blogger-post-footer"><img width='1' height='1' src='https://blogger.googleusercontent.com/tracker/7944698-109278779945042531?l=apikoros.blogspot.com' alt='' /></div>אחרhttp://www.blogger.com/profile/03769250495445625443noreply@blogger.com3tag:blogger.com,1999:blog-7944698.post-1092778590882148592004-08-17T17:35:00.000-04:002004-11-29T00:26:42.803-05:00כינו השם<div style="text-align: justify;" dir="rtl">שטיין איז א ברייט-באניצטע נאמען. געוויסע מענטשן האבן זיך אפגערעדט אז עס איז מרמז אויף עפעס א מעשה. מיין נאמען שטיין איז לגמרי א צופאל. איך האב קיינעם נישט געמיינט חלילה. אבער כדי שלא יאמרו הבריות וועל איך זיך שאפן א פסודאנים.
<br />
<br />יעדע נאמען וואס איך וועל נעמען וועט אפירקומען איינער מיט אן ענליכע נאמען און מיינען אז מ'מיינט איהם. וויל איך יעדן ציוויסן לאזן אז איך בין נישט דעם וועם די מיינסט – איך בין אן אנדערער.
<br />
<br /></div><div class="blogger-post-footer"><img width='1' height='1' src='https://blogger.googleusercontent.com/tracker/7944698-109277859088214859?l=apikoros.blogspot.com' alt='' /></div>אחרhttp://www.blogger.com/profile/03769250495445625443noreply@blogger.com8tag:blogger.com,1999:blog-7944698.post-1092740816184740362004-08-17T05:22:00.000-04:002004-08-21T04:57:17.946-04:00קען א מאלפע באקומען שכל? <div style="text-align: justify;" dir="rtl">לאמיר נישט רעדן פון א שטאנדפונקט ווי עס פארלאנגט זיך ביאלאגישע וויסענשאפט, דאס האבן אונזערע מחנכים זיכער געמאכט אז אונז זאל מיר נישט האבן חלילה. לאמיר רעדן פשוט.
<br />
<br />יעדער האלט אז קינדער ירש'ענען נאטורן פון די עלטערן. דאס זעהט זיך די מערסטע אן אין די אויסזעהן.
<br />
<br />יעדער איז מודה אז קינדער קענען געבוירן ווערן מיט אייגענשאפטן וואס קיין איינע פון זיינע עלטערן האבן נישט געהאט. געווענליך איז עס גאר קליינע שינוים, געציילטע מאהל איז עס דראסטיש. ווען ס'איז דראסטיש, איז עס רוב מאל נישט גוט. אז מ'נעמט זיך מאכן שינוים אין א מענטש אן א חשבון - נעם אראפ א פוס, לייג צו א פוס - רוב מאל וועט עס נישט טויגן. אמאל אמאל קען פאסירן אז ס'זאל זיין א מעלה.
<br />
<br />וואס געשענט ווען ביי א מאלפע ווערט געבוירן א קינד וואס איז אביסל קלוגער פון זיינע ברודער. ווען א צרה באפאלט זיין וואלד, געט ער זיך בעסער איין עצה, און ער איז פון די פאר איבערגעבליבענע. מיט זיין שכל ארבעט ער אויס וויאזוי צו באקומען די מערסטע נקבות, און זיין זרע ווערט זייער פארשפרייט. פון זיינע קינדער ירש'ענען טייל זיין גוטע קאפ און זיי זענען מצליח צו האבן די מערסטע לעבנסטעג, נקבות, און קינדער. די מעשה חזר'ט זיך איבער דור אחר דור. ווער ס'איז אביסל קלוגער איז מער ממשיך. נאך אסאך דורות זענען די מאלפעס פון דעיע וואלד אסאך קלוגער פון אנדערע מאלפעס.
<br />
<br />אוודאי ווערט נישט געווענליך געבוירן א מענטש גראד פון מאלפעס, די שאלה איז וואס די שאנסן זענען ס'זאל געשען נאך אסאך דורות.
<br />
<br /></div><div class="blogger-post-footer"><img width='1' height='1' src='https://blogger.googleusercontent.com/tracker/7944698-109274081618474036?l=apikoros.blogspot.com' alt='' /></div>אחרhttp://www.blogger.com/profile/03769250495445625443noreply@blogger.com2tag:blogger.com,1999:blog-7944698.post-1092621160928740472004-08-14T15:47:00.000-04:002004-08-15T21:52:40.926-04:00דער גרינדער פון אונזער רעליגיע<div style="text-align: justify;" dir="rtl">אברם איז אויפגעוואקסן אין א פרומע שטוב. פון קינדוואז אן האט מען אים אויסגעלערנט אז מען טאר נישט פרעגן קשיות. די עבודה זרה האט אויגן אבער ס'קען נישט זעהן – ס'איז העכערע זאכן. ווער האט עס באשאפן? – ס'איז אייביג געווען. מ'דאווענט צו עס און ס'העלפט נישט אייביג – נישט אלעס קען מען פארשטיין. דריי מאהל א טאג האט ער געדארפט פיטערען די געצער. זיין רבי האט איהם מסבר געווען אז אויב וועט ער נישט דינען די געטער וועלן זיי איהם שטראפן.
<br />
<br />אברם האט זיך אבער נישט געלאזט איינרעדן. ער האט איינגעזעהן אז זיין טאטע'ס רעליגיע איז פאלטש. קיין בלאגס איז נאך יענע צייטן נישט געווען, און אברם האט אנגעהויבן רעדן צו זיין טאטן'ס קאסטומערס. אזוי ארום איז ער געוואהר געווארן אז ער איז נישט די איינצוגסטער. איין טאג ווען ער איז געווען אליין אונדערהיים, האט ער צובראכן אלע געטשקעס.
<br />
<br />תרח איז אהיימגעקומען און געטראפן א חורבן. ער האט זיך גערוסען קריעה ווי דער דין איז ווען מ'זעהט גאט אזוי פארשוועכט. ער האט פרובירט אויסצופארשן אברם'ן, אבער אברם האט כיטריש ארויסבאקומען פון תרח אז ער אליין ווייסט אויך אז די געטער קענען גארנישט טוהן. תרח האט גענומען אברם צום רב. אברם האט נישט געהאט קיין דרך ארץ פאר'ן רב און איהם אויפגעוויזן זיין היפאקראטיע.
<br />
<br />אור כשדים איז געווען אן ערליכע שטאט, אן עיר ועם בכשדיים, די ירושלים פון מיטל מזרח, א פעסטונג פון אמונה, הערמאטיש פארשלאסן אקעגן די געמיינע השקפות וואס האבן געבוזשעוועט אויף די בייזע ווינטן וואס האבן געבלאזן פון מצרים. אויסגעשטאטעט מיט עסקנים און קנאים צו שטיין על המשמר אויף יעדע פירצה וואס זוכט אריינצודרינגען און היימישע שטובער חלילה.
<br />
<br />זעלבסטפארשטענדליך אז אויף די לווי' פון די שטיקלעך איז די גאנצע שטאט ארויסגעקומען. נמרוד האט מספיד געווען מיט בכיות. וואו ער האט דערמאנט אז איצט פארשטייט מען שוין פארוואס די אלע צרות קומען – פארפלייצונגען, הונגער, מחלות... אז עס דרייט זוך ארום א מסית ומדיח שוין א שטיק צייט, פארדארבט אנדערע, און מען האט גארנישט געטוהן. ביז ס'איז צוגעקומען צו אזא מצב, אז אינעם פלטרין של מלך, אויף אזא הייליג פלאץ, זאל אונזער הייליגסטע ארטיקל אזוי פארשענדעט ווערן. נאכדערצו דורך א היימישען יונגערמאן...
<br />
<br />ס'האט געהערשט א געוואלדיגע התעוררת. יעדער האט זיך פארגענומען צו פארבעסערן אין די ענינים וואס מ'איז שוואך, און אלע האבן זיך צוזאמגענומען אז מ'דארף זעהן דעם אברם צו רודפ'ן און אויסראטן. טייל זאגן אז מ'האט איהם אפילו געוואלט פארברענען. בקיצור ער האט נישט געלעקט קיין טשאקאלאד. זיין משפחה האט זיך געמוזט אוועקצוען פאר בושות.
<br />
<br />אברם האט זיך געטוישט זיין נאמען, און אוועק געפארן אין א פרעמד לאנד. ער האט נישט געקענט די שפראך, ער האט נישט געקענט די מענטשן, ער האט אבער געקענט לעבן וויאזוי ער האט געוואלט, און גלייבן וואס זיינע פארשונגען האבן פעסטגעשטעלט.
<br />
<br />דאס איז געווען אונזער פאטער אברהם ע"ה. מיר קענען נאר שטרעבן ציצוקומען צו די פוס פון זיינע קעמלען. כאטש מיר האבן נישט די גאטס ארויסצוקומען אפן אקעגן די רעליגיע פונעם קהילה, דאך אונטערן שלייער פונעם וואונדעליכען נעץ וועלן מיר פרובירן אנצוגיין מיט זיין עבודה און זיך נישט אליין פאפן ווייל איעדער פאפט זיך.
<br />_____
<br />מקורות: דער מדרש דערציילט פאר יוגנט, צאינה וראינה.
<br />
<br /></div><div class="blogger-post-footer"><img width='1' height='1' src='https://blogger.googleusercontent.com/tracker/7944698-109262116092874047?l=apikoros.blogspot.com' alt='' /></div>אחרhttp://www.blogger.com/profile/03769250495445625443noreply@blogger.com15